logo

दशैंअघि किस्ता बुझाउन ऋणीलाई बैंक तथा वित्तीय संस्थाको ताकेता 

    645   पटक पढिएको

१४ असोज / अर्थ र व्यापार – बैंक तथा वित्तीय संस्थाले ऋणीलाई दशैं अघि नै ऋणको किस्ता तथा ब्याज तिर्नका लागि ताकेता गर्न थालेका छन् । दशैंकालागि आगामी २६ असोजदेखि ५ दिनको विदा शुरु हुन्छ ।
दशैं विदापछि असोज मसान्तको अन्तिम दिन ३१ असोजमा बैंक खुल्ने छ । बैंक तथा वित्तीय संस्थाले तीन महिना र एक महिनामा ऋणको किस्ता र ब्याज तिर्ने सत्रमा ऋण दिएका हुन्छन् । यो पटक दशैं असोज मसान्तमा रहेको हुँदा बैंक तथा वित्तीय संस्थाले असोजको दोस्रोसातादेखि नै ऋणीलाई किस्ता तिर्न यस्तो ताकेता गरेका हुन् । 
बैंक तथा वित्तीय संस्थाबाट ऋण लिने ठूलादेखि साना सबैलाई बैंक तथा वित्तीय संस्थाका कर्मचारीले मिलेसम्म दशैं अगाडि नै किस्ता तिर्न अनुरोध गरेका छन् । व्यवसायीहरुका अनुसार कतिपय बैंक तथा वित्तीय संस्थाले दशैंको विदा अगाडि शुरु हुनु अघि जसरी भएपनि किस्ता तिर्नका लागि दबाब आएको बताउँछन् । व्यवसायीहरुले धेरैजसो समय ऋणको किस्ता र ब्याज तोकिएको अन्तिम दिनमात्रै दिने गर्छन् । 
आगामी असोज मसान्तसम्ममा आयकरको व्यवसायीलाई बैंक तथा वित्तीय संस्थाबाट लिएको ऋणको किस्ता तथा कर तिनुपर्ने दबाब छ । ‘नियमित बैंकको ऋण तिरिरहेपनि दशैंअघि नै किस्ता तिर्नका लागि दबाब आएको छ, दशैंको विदा सकिएपछि अन्तिम दिन ३१ असोजमा तिर्दा हुने किस्ता दशैं अघि नै तिर्नका लागि फोन बढी आएको छ,’ एक व्यवसायीले भने ।
बैंक तथा वित्तीय संस्थाका कर्मचारीहरु भने असोजको अन्तिम साता दशैंको विदा रहेको हुँदा खातामा पैसा भएका व्यवसायीलाई दशैं अगाडि किस्ता तिर्नका लागि अनुरोध गरेर फोन गरेको बताउँछन् । ‘हामीले ऋणीलाई महिना र त्रैमासको अन्तिममा किस्ता बुझाउने समय आयो भनेर फोन गर्ने गरेका छौं, यो पटक असोजको अन्तिम साता दशैंको विदा छ त्यसैले अहिलेदेखि नै पैसा छ भने तिर्नुहोस् भनेर फोन गरेको हो,’ एक बैंकका शाखा प्रबन्धकले भने ।
बैंक तथा वित्तीय संस्थाले दिएको ऋण पहिलो त्रैमासमा नउठेमा २५ प्रतिशत, दोस्रो त्रैमासमा नउठेमा ५० प्रतिशत र एक वर्षमा पनि नउठेमा शतप्रतिशत रकम प्रोभिजन गर्नुपर्छ । नेपाल राष्ट्र बैंकका अनुसार बैंक तथा वित्तीय संस्थाले अहिले ४७ खर्ब १ अर्ब रुपैयाँ निक्षेप संकलन गरेर ४३ खर्ब ३७ अर्ब रुपैयाँ कर्जा दिएका छन् । 

तपाईको प्रतिक्रिया

सम्बन्धित शीर्षकहरु

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।