१९ साउन/अर्थ र व्यापार– ग्लोबल आइएमई बैंकले तानसेन नगरपालिकाका किसानलाई दुई संस्थामार्फत कृषिमा सहुलियतपूर्ण ऋण दिने भएको छ । 

किसानलाई कृषिमा सहुलियतपूर्ण ऋण दिने सम्बन्धमा बैंक र नगरपालिकाबीच सहमति भएको हो । ५ प्रतिशत ब्याज अनुदान सरकारले तिर्ने छ । 

तानसेन नगरपालिकाको अगुवाईमा हेफर इन्टरनेशनल नेपाल र ग्रामीण आर्थिक विकास संघसँगको समन्वयमा कृषि अनुदान कर्जा सम्बन्धि समझदारी पत्रमा हस्ताक्षर भएको हो । 

बैंकका लुम्बिनी प्रादेशिक कार्यालयका उपप्रमुख जोगलाल भुषाल र तानसेनका शाखा प्रबन्धक वीरबहादुर सारु तथा तानसेन नगरपालिकाका मेयर अशोककुमार शाहीले समझदारीपत्रमा हस्ताक्षर गरेका छन् । 

बैंकले तानसेन नगरपालिकाको विभिन्न ठाउँहरुमा बाख्रापालन, डेरी, तरकारी खेती, कुखुरापालन, बंगुरपालन, माछापालन तथा विभिन्न फलफूलहरुको उत्पादन गर्ने कृषकहरुलाई ऋण दिने छ ।