१९ असार / अर्थ र व्यापार – माछापुच्छ्रे बैंकले १२ प्रतिशत हकप्रद शेयर निष्काशन गर्ने भएको छ । बैंकले प्रति शेयर १०० रुपैयाँको दरमा ७९ लाख १८ हजार ४४० कित्ता हकप्रद शेयर बिक्री गर्न लागेको हो ।

गत जेठ १५ गतेसम्म कायम भएका शेयर धनीले १० कित्ता बराबर १.२ कित्ताको अनुपातमा साउन ५ देखि भदौ ७ सम्म आवेदन दिन सकिने छ । यसको निष्काशन तथा बिक्री प्रवन्धक एनएमबी क्यापिटलले रहको छ ।

माछापुच्छ्रे बैंकका सम्पुर्ण शाखा एवं एनएमबि क्यापिटल नागपोखरीबाट शेयरमा आवेदन दिन सकिने छ । बैंकको चैत मसान्तसम्मको चुक्ता पूँजी ६ अर्ब ५९ करोड रुपैयाँ रहेकोमा हकप्रद शेयर निष्काशन पछि ७ अर्ब ३९ करोड रुपैयाँ पुग्नेछ ।