३० जेठ / अर्थ र व्यापार-विभन्न एघार बैंकसहित इन्भेष्टमेन्ट बैंक तथा वित्तीय संस्थालाई नेपाल राष्ट्र बैंकले गाभ्ने तथा गाभिने स्वीकृति दिएको छ ।
नेपाल राष्ट्र बैंकको मंगलबार बसेको सञ्चालक समितिको बैठकले ९ संस्थालाई अन्तिम स्वीकृति तथा दुईलाई सैद्धान्तिक स्वीकृति दिएको हो ।
राष्ट्र बैंकले इन्भेष्टमेन्ट बैंकलाई एस डेभलपमेन्ट बैंक एक्वायर (प्राप्ति) गर्न अन्तिम स्वीकृति दिएको छ ।
यसैगरी सिभिल बैंकले युनिक फाइनान्स र हामा मर्चेन्ट बैंकिङ एण्ड फाइनान्सलाई एक्वायर गर्ने, यति डेभलपमेन्ट बैंकलाई महालक्ष्मी विकास बैंक, भिवोर सोसाइटी डेभलपमेन्ट बैंकलाई लुम्बनी फाइनान्स मर्ज गर्न अन्तिम स्वीकृति दिइएको हो।
त्यस्तै देव विकास बैंकलाई साझा विकास बैंक प्राप्तिका लागि सैद्धान्तिक स्वीकृति दिएको हो ।
बैंक तथा वित्तीय संस्थाहरुले राष्ट्र बैंकले तोकेको पूँजी पूर्याउन अब एक महिना मात्र बाँकी छ । असार मसान्तसम्म बैंक तथा वित्तीय संस्थाहरुले राष्ट्र बैंकले तोको पूँजी पुर्याउनु पर्नेछ ।
तपाईको प्रतिक्रिया