२९ भदौ / अर्थ र व्यापार – समीट माइक्रोफाइनान्सको शतप्रतिशत हकप्रद भदौ २९ गतेदेखि बिक्री सुरु भएको छ । माइक्रोफाइनान्सले एक बराबर एक कित्ताको अनुपातमा एक सय रुपैयाँ अंकित दरको ७ लाख २५ हजार कित्ता हकप्रद सेयर बिक्री गर्न लागेको हो ।

समीटको सेयर निष्काशन तथा बिक्री प्रबन्धक सानिमा क्यापिटल रहेको छ । माइक्रोफाइनान्सले हकप्रद प्रयोजनका लागि भदौ नौ गते सेयरधनी दर्ता पुस्तिका बन्द गरेको थियो । यसअनुसार भदौ आठ गतेसम्म कायम सेयरधनीले मात्र माइक्रोफाइनान्सको हकप्रदमा आवेदन गर्न पाउने छन् । 

माइक्रोफाइनान्सका सेयरधनीले सानिमा क्यापिटलको कार्यालय नक्साल तथा समिट माइक्रोफाइनान्सका सबै कार्यालयहरुबाट हकप्रदमा आवेदन गर्न सक्ने छ । त्यसै गरी सानिमा बैंकका शाखा कार्यालयहरु धनगढी, नेपालगञ्ज, पोखरा, भैरहवा, नारायणगढ, बीरगञ्ज र जनकपुर शाखाबाट पनि हकप्रदमा आवेदन गर्न सकिन्छ ।

4इक्रोफाइनान्सको हकप्रद निष्काशन कात्तिक १ गते बन्द हुनेछ । हाल ७ करोड २५ लाख रुपैयाँ चुक्ता पूँजी रहेको कम्पनीको हकप्रद निष्काशनपछि १४ करोड ५० लाख रुपैयाँ चुक्ता पूँजी पुग्नेछ । समिटले गत आर्थिक वर्षमा पाँच करोड ९५ हजार रुपैंयाँ खुद नाफा कमाएर प्रतिसेयर आम्दानी ६९ रुपैंया १० पैसा कायम गरेको छ । माइक्रोफाइनान्सको प्रतिकित्ता सेयरमूल्य बुधबार २००५ रुपैयाँ रहेको छ ।