५ साउन / अर्थ र व्यापार – चालु आर्थिक वर्षमा नेपाल धितोपत्र बोर्डबाट हकप्रद निष्काशनका लागि स्वीकृति पाउने दोस्रो कम्पनी जेविल्स फाइनान्स बनेको छ । फाइनान्सलाई बोर्डले शतप्रतिशत हकप्रद निष्काशनका लागि अनुमति दिएको हो । हाल फाइनान्सको चुक्ता पूँजी २८ करोड ८९ लाख ५६ हजार २५० रुपैंया रहेको छ । बोर्डले हाल कायम पूँजी बराबरको २८ लाख ८९ हजार ५६२.५० कित्ता हकप्रद निष्काशनको अनुमति दिएको हो ।

हकप्रद निष्काशन पश्चात फाइनान्सको चुक्ता पूँजी ५७ करोड ७९ लाख १२ हजार ५०० रुपैंया पुग्नेछ । कमाईबाट पूँजी बढाउन नसक्ने भए पछि फाइनान्सले केही फेरी हकप्रद माथि हकप्रदको निर्णय गरेको छ । केही समय अघि शतप्रतिशत हकप्रद पश्चात कायम हुने पूँजीको ४० प्रतिशत हकप्रद प्रस्ताव विशेष साधारण सभाबाट पारित गराएको छ ।

४० प्रतिशत हकप्रद समेत निष्काशन गरे पछि फाइनान्सको चुक्ता पूँजी ८० करोड ९० लाख ७७ हजार रुपैंया पुग्नेछ । कमाईबाट लगानीकर्तालाई प्रतिफल दिन सक्ने अवस्था नदेखिएकाले हकप्रदमा उचालिनु अघि सबै पक्ष केलाउनु लगानीकर्ताका लागि राम्रो हुन सक्छ ।