५ साउन / अर्थ र व्यापार – गत आर्थिक वर्षमा एनआइसी एसिया बैंकले एक अर्ब ४६ करोड रुपैयाँ मुनाफा गरेको छ । २८ वाणिज्य बैंकमध्ये सबैभन्दा पहिले वित्तीय विवरण सार्वजनिक गरेको बैंकले अघिल्लो वर्ष एक अर्ब ६ करोड रुपैयाँ मुनाफा गरेको थियो ।  

बैंकले गत आर्थिक वर्षमा ८५ अर्ब २८ करोड रुपैयाँ स्वदेशी निक्षेप संकलन गरेको थियो भने अघिल्लो अर्थिक वर्षमा यस्तो निक्षेप ६७ अर्ब ५७ करोड रुपैयाँ मात्र थियो ।

बैंकले गत आर्थिक वर्ष ७१ अर्ब ५८ करोड रुपैयाँ कर्जा लगानी गरेको छ । अघिल्लो वर्षको ऋण लगानी ५८ अर्ब ४५ करोड रुपैयाँ थियो । बैंकले गत आर्थिक वर्षमा खुद व्याज आम्दानी २ अर्ब ५३ करोड रुपैयाँ गरेको छ । 

बैकको एक वर्षमा ५ अर्ब ७७ करोड रुपैयाँबाट ६ अर्ब ६९ करोड रुपैयाँ चुक्ता पूँजी पुर्याएको छ । बैंकले बाँकी पूँजी बोनस सेयर वितरण गरेर पुर्याउने भएको छ । बैकको जगेडा कोषमा एक बर्षमा एक अर्ब ६० करोड रुपैयाँबाट बढेर तीन अर्ब ४९ करोड रुपैयाँ पुगेको छ । 

बैंकको पूँजी कोष अनुपात गत आर्थिक वर्षमा १३.९५ प्रतिशत रहेको छ । बैंकको गत आर्थिक वर्षमा खराब कर्जा अनुपात एक वर्षमा ०.७६ प्रतिशतबाट घटेर ०.३६ प्रतिशतमा झरेको छ । बैंकको प्रतिशेयर आम्दानी २२ रुपैयाँ रहेको छ ।