१४ साउन/अर्थ र व्यापार– सूचना तथा संचार मन्त्रालयले नेपाल दूरसंचार प्राधिकरणको अध्यक्षमा दिगम्बर झालाई पुनर्नियुक्तीको प्रस्ताव मन्त्रिपरिषदमा पेश गरिसकेको छ । 

प्रधानमन्त्री कार्यालय स्रोतका अनुसार संचारमन्त्री गोकुल बाँस्कोटाको विशेष पहलमा झालाई पुर्ननियुक्ती गर्न लागिएको हो । 
तर यसबारे प्रधानमन्त्री केपीशर्मा ओली सकारात्मक नभएका कारण केही दिनअघिको मन्त्रीपरिषदमा झा नियुक्तीको निर्णय हुन नसकेको हो ।

ओली सरकारले देउवा सरकारका पालामा भएका सबै राजनीतिक नियुक्ती खारेजीको निर्णयले झाको पद समेत धरापमा परेको थियो ।

ओली सरकारको निर्णयविरुद्धमा सर्वोच्च अदालत गएका झाले अल्पकालीन आदेश जारी भइसकेको अवस्थामा रिट निवेदन फिर्ता लिएका थिए । अन्तरिम छलफलअघि उनले रिट फिर्ताको निवेदन दिएका थिए ।

झाले सरकारलाई सहज रूपमा काम गर्ने वातावरण बनाउन रिट निवेदन फिर्ता लिएको बताएका थिए ।