३० भदौ/अर्थ र व्यापार – नेपाल टेलिकमले सेवा प्रयोग गरेबापत बिल भुक्तानी नगरेका ग्राहकहरुले महसुल तिरे जरिवाना छुट दिने भएको छ।
टेलिकमको केन्द्रीय राजस्व विभागका अनुसार ल्यान्डलाइन, जीएसएम, सीडीएमए, एडीएसएल, एफटीटीएच र लिज लाइन सेवा लिएर बिल नतिरेका ग्राहकहरुले तोकिएको समयमा बक्यौता भुक्तानी गरे जरिवाना छुट दिने भएको हो।
ग्राहकहरुले आर्थिक वर्ष २०७८÷७९ सम्मको बक्यौता कात्तिकसम्म तिरे सबै जरिवाना छुट दिने टेलिकमले जनाएको छ। यस्तै, आर्थिक वर्ष २०७९÷८० को बक्यौता कात्तिकसम्मै भुक्तानी गरे जरिवानाको ५० प्रतिशत छुट दिने घोषणा टेलिकमले गरेको छ ।
बाँकी रहेका पुरानो बक्यौता नतिर्ने ग्राहकहरुको नाम टेलिकमले पत्रिकामा छाप्ने वा कालोसूचीमा नाम समावेश गर्ने चेतावनी दिएको जनाएको छ ।