२० भदौ/अर्थ र व्यापार– नेपाल दूरसञ्चार प्राधिकरणले स्वीकृत महसुलदर ग्राहकलाई जानकारी गराएर मात्रै लागू गर्न इन्टरनेट सेवा प्रदायकहरुलाई निर्देशन दिएको छ।
प्राधिकरणबाट महसुल स्वीकृत भएको मिति समेत उल्लेख गर्ने र ग्राहकलाई जानकारी गराएर मात्रै शुल्क लागू गर्न बिहीबार पत्राचार गरेको हो।
कतिपय इन्टरनेट (इमेलसहित) सेवा प्रदायकहरुले सेवाको शुल्क स्वीकृत नगराई विभिन्न सामाजिक सञ्जाल, पत्रपत्रिका तथा सम्बन्धित सेवा प्रदायकहरुको वेबसाइटमा सूचना प्रकाशन गरी लागू गरेको भन्दै प्राधिकरणले असन्तुष्टि जनाएको छ।
१०० एमबीपीएस भन्दा बढी क्षमताको इन्टरनेट दिन प्राधिकरणबाट स्वीकृति नलिइ सेवा सञ्चालन गरेको भन्दै प्राधिकरण रुष्ट छ ।