२२ माघ/ अर्थ र व्यापार - नेपाल टेलिकमले आफ्नो १५ औँ वार्षिकोत्सवको अवसरमा प्रिपेड ग्राहकका लागि पनि अन्तराष्ट्रिय रोमिङ कल सेवा सुरु गर्ने भएको छ । अहिले पोस्टपेड ग्राहकका लागि मात्रै दिइएको यस्तो सुविधा अब प्रिपेडमा पनि सुरु गरिने टेलिकमले जनाएको छ ।
टेलिकमले पहिलो चरणमा प्रिपेड ग्राहकका लागि भारत र चीनमा यो सेवा उपल्बध गराउने तयारी गरेको छ । आफ्नो १५ औँ वार्षिकोत्सव कार्यक्रममा कम्पनीले यो जानकारी दिएको हो ।
कम्पनीले पोस्टपेड ग्राहकले यो सुविधा लिँदा लाग्ने धरौटी पनि घटाइसकेको छ । यसअघि ३० हजार रुपैयाँ धरौटी राख्नुपर्ने व्यवस्था रहेकोमा यही जनवरी १ देखि १० हजारमा झारिएको थियो ।
यसैगरी टेलिकमले एक वर्षदेखि निरन्तर एसिएसलमार्फत इन्टरनेट चलाइरहेका ग्राहकलाई अप्टिकल फाइबरमा माइग्रेट हुँदा लाग्ने शुल्कमा सहुलियत दिने पनि जनाएको छ ।
तपाईको प्रतिक्रिया