अब इन्स्टाग्राममा लाइक्स संख्या नदेखिने
२६ कार्तिक / अर्थ र व्यापार - आफूले इन्स्टाग्राममा अपलोड गरेका फोटोहरुमा प्राप्त हुने लाइक्स गनेर मख्ख पर्नुहुन्छ ? त्यसो हो भने एउटा अप्रिय खबर छ ।
लोकप्रिय फोटो शेयर एप इन्स्टाग्रामले लाइकको संख्या नदेखाउने फिचर यही हप्ताबाट सुरुवात गर्दैछ । सुरुमा अमेरिकी प्रयोगकर्ताहरुमाझ इन्स्टाग्रामले ‘हाइड लाइक काउन्ट्स’ फिचर परीक्षण गर्न लागेको हो ।
फेसबुक स्वामित्वको सोसल प्लाटफर्म इन्स्टाग्रामका सीईओ एडम् मोसरीले शुक्रबार अमेरिकाको सनफ्रान्सिस्कोमा आयोजित एक समारोहमा यसको खुलासा गरेका हुन् ।
प्रयोगकर्तामा लाइक्स प्राप्त गर्ने होडबाजी तथा दबावलाई घटाउन तथा आफ्ना पोष्टमा आउने प्रतिक्रियालाई लिएर चिन्तित रहने प्रयोगकर्तालाई लक्षित गरी लाइक्सको संख्या नदेखाउने फिचर सुरु गरिने इन्स्टाग्रामले बताउँदै आएको थियो ।
सीईओ मोसरीले गत अप्रिलमा एक कार्यक्रममा भनेका थिए, ‘आफ्नो इन्स्टाग्राम पोष्टमा कति लाइक्स आए भन्ने बारेमा मानिसहरुलाई धेरै चिन्ता नहोस् भन्ने हामी चाहन्छौँ ।’ लाइक्समा अल्झिन छाडेर मानिसहरूले आफूले सरोकार राख्ने मानिसहरूसँग भेटघाट तथा सम्बन्ध विकासमा धेरै समय खर्चिनुपर्ने उनको भनाइ छ ।
इन्स्टाग्रामले यसअघि क्यानडा, आयरल्याण्ड, इटाली, जापान, ब्राजिल, अस्ट्रेलिया तथा न्युजिल्याण्डमा पनि लाइकको संख्या लुकाउने फिचरको परीक्षण गरिसकेको छ । फेसबुक स्वयंले पनि अस्ट्रेलियामा यस्तो परीक्षण गरिरहेको छ ।
इन्स्टाग्रामका प्रवक्ताका अनुसार, मानिसहरूले इन्स्टाग्राममा कुनै पोष्ट गर्दाको समयमा दबाव महसुस गर्दछन् । आफ्नो पोष्टमा प्राप्त हुने लाइक्सको संख्यालाई आफ्ना साथीभाइ, परिवारका अन्य सदस्य तथा विभिन्न सेलिब्रेटीहरूसँग तुलना गर्दछन् । यस्तो तुलनामा व्यक्तिलाई नमीठो अनुभूति दिलाउँदछ ।
एक अध्ययन अनुसार, सोसल मिडिया पोष्टमा प्राप्त हुने लाइक्स प्रयोगकर्ताका लागि ड्रग्सजस्तै बन्दै गएको छ । लाइक्सप्रतिको बढ्दो चाहनाले सोसल मिडिया प्रयोगकर्तामा विभिन्न खाले समस्या पनि पैदा हुने गरेका छन् ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया