एन्ड्रोइड ’ह्याक’ गर्नेलाई गुगलले पुरस्कार दिने
६ मंसिर / अर्थ र व्यापार- एन्ड्रोइडमा सुरक्षा कमजोरी पत्ता लगाउनेलाई गुगलले इनाम दिने गरेको छ। जसलाई ‘बग बाउन्टी प्रोग्राम’ भन्ने गरिन्छ। यस्तो इनाम अधिकांश टेक कम्पनीहरुले दिने गर्छन्।
जसमा सुरक्षा कमजोरी पत्ता लगाउन नाम चलेका ह्याकरहरुलाई जानाजान आफ्नो डिभाइस ह्याक गर्न लगाइन्छ।
गुगलले पहिलो पटक एन्ड्रोइडको लागि ‘बग बाउन्टी प्रोग्राम’ ल्याउँदा अधिकतम इनाम ३८ हजार अमेरिकी डलर अर्थात करिव ४३ लाख रुपैयाँ दिएको थियो। तर अहिले एन्ड्रोइडको लोकप्रियता बढेसँगै धेरैभन्दा धेरै सुरक्षा अनुसन्धानकर्ता (अर्थात ह्याकर)हरु यसको कमजोरी पत्ता लगाउन लागिपरेका छन् । जसबाट एन्ड्रोइडका धेरै सुरक्षा चुनौतिहरु पनि फेला परेका छन्। यसलाई मध्यनजर गर्दै अनुसन्धानकर्ताहरुलाई प्रोत्साहनको लागि गुगलले ‘बग बाउन्टी’ पनि बढाएको छ ।
गुगलले ‘टप रिवार्ड’को रुपमा डेढ मिलियन अमेरिकी डलर अर्थात करिब १७ करोड रुपैयाँ दिने बताइएको छ । तर पक्कै पनि गुगलले सबैखाले सुरक्षा चुनौति पत्ता लगाउनेलाई भने यो इनाम दिने छैन। नयाँ रिवार्ड क्याटेगोरीमा गुगलले विशेष प्रकारको ह्याकिङलाई प्राथमिकता दिनेछ । ‘पिक्सेल’ डिभाइसहरुमा रहेको ‘टाइटान एम सेक्युर इलेमेन्ट’ लाई ह्याक गर्न सक्नुपर्छ। त्यस्तै डिभाइस ‘रिसेट’ गरिसकेपछि पनि डिभाइसलाई नछोइकनै ‘कोड जेनेरेट’ गर्न सक्नु पर्छ।
यस्तो विशेष प्रकृतिको ह्याक गर्नेलाई गुगलले एक मिलियन डलर भन्दा बढी तिर्नेछ। त्यसमा पनि एन्ड्रोइडको ‘स्पेसिफिक डेभलोपर प्रिभ्यू भर्सन’मा उक्त ह्याक गर्न सक्नेलाई ५० प्रतिशत बोनस पनि दिनेछ । जसले डेढ मिलियन डलर हुन आउँछ ।
गुगलले ‘पिक्सेल ३’मा उक्त ‘टाइटान एम सेक्युरिटी चिप’ पहिलो पटक प्रयोग गरेको थियो। गुगलका अनुसार उक्त चिपको काम डिभाइसलाई हरेक प्रकारले सुरक्षित राख्नु हो। यसले डिभाइसको बुट कन्डिसन चेक गर्नेदेखि लिएर भाइरसलाई डिभाइसमा प्रवेश गर्न नदिनेसम्मको काम गर्छ। अर्को अर्थमा भन्दा चिपले डिभाइसलाई ह्याक हुनबाट बचाउँछ । सोही चिप ‘पिक्सेल ४’का डिभाइसहरुमा पनि प्रयोग गरिएको छ ।
गुगलको नयाँ ‘बग बाउन्टी’ रिवार्ड बितेको १२ महिनामा दिइएका रिवार्डसँग लगभग बराबर जस्तै छ। यो वर्षको ‘टप रिवार्ड’ १ लाख ६१ हजार ३३७ डलर भएको गुगलले जनाएको छ। जुन रिवार्ड ‘पिक्सेल ३’ डिभाइसमा ‘वन क्लिक रिमोट कोड एक्सेक्युसन चेन’ गरेवापत दिइएको थियो। गुगलले यो वर्ष औसतमा एउटा कमजोरी पत्ता लगाएवापत ३ हजार ८ सय डलर रिवार्ड दिएको थियो।
सम्बन्धित शीर्षकहरु
मुख्य खबर
नवनियुक्त प्रधानमन्त्री ओलीले पहिलो दिनमै गठन गरे २२ सदस्यीय मन्त्रिपरिषद
आफु प्रधानमन्त्री भएको पहिलो दिन सोमबार नवनियुक्त प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् ।
अख्तियारले भ्रष्टाचारको गोप्य उजुरीमा अब संकेत नम्बर राख्ने
अख्तियार दुरुपयोग अनुसन्धान आयोगले गोप्य उजुरीलाई अब संकेत नम्बर दिएर दर्ता गर्ने भएको छ । उजुरीकर्ताले आफ्नो नाम तथा ठेगाना गोप्य राख्ने गरी उजुरी दिएको खण्डमा आयोगले संकेत नम्बर प्रयोगको व्यवस्था गरेको हो ।
समृद्धि बहस मेगा टक शो आयोजना हुने
प्वाईन्ट मिडिया प्रा.लि.ले आगामी २८ असारमा समृद्धि बहस मेगा टक शो आयोजना गर्ने भएको छ । अर्थतन्त्रका विविध विषयमा सम्बन्धित सरोकारवाला, सरकारी निकाय, तथा निजी क्षेत्रको उपस्थितीमा बृहत छलफल
प्रकाशकीय : विकास र समृद्धिका लागी पत्रकारिता
मुलुकको अर्थतन्त्र कुनै न कुनै रुपमा लामो समयदेखि समस्यामा छ । नेपाल राष्ट्र बैंक र सरकारी निकायहरुले मुलुकको अर्थतन्त्रमा कुनै समस्या नरहेको वताए पनि यथार्थमा त्यस्तो देखिँदैन । बाह्य क्षेत्रमा सुधार देखिए पनि आन्तरिकतर्फ
मनोरञ्जन
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित
विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।
तपाईको प्रतिक्रिया