२१ मंसिर/ अर्थ र व्यापार  - संसारका हजारौ युवा युवतीको रोजाई र चाहना बनेको फेसबुकलाई रोजगारीका लागि आर्कषक थलोको रुपमा लिइन्थ्यो । सामाजिक सञ्जाल फेसबुकमा जोडिने आफूलाई स्मार्ट ठान्ने समुदाय पनि थियो । तर पछिल्लो समय फेसबुक आर्कषक रोजगारीको गन्तव्यबाट बाहिरिएको छ ।

व्यक्तिगत गोपनियता चोरेको तथा त्यसलाई अन्य स्थानमा सार्वजनिक गरेको भन्दै फेसबुकको विश्वसनियता संसार भर नै घट्दै गएको छ । रोजगारीको लागि आर्कषक मध्येको पहिलो नम्बरमा रहेको फेसबुक पछिल्लो समय ओरालो लागेर ७ औं नम्बरमा पुगेको छ । यस्तै संसारभरकै प्रख्यात मानिएको अनलाइन सपिङ सेन्टर अमेजन भने १०० नम्बरबाट पनि पछाडि परेको छ ।
हालै सार्वजनिक एक रेटिङ विवरणअनुसार बेन एन्ड कम्पनी चोथो पटक पहिलो नम्बरमा पुगेको छ । यस्तै उप्पल ७१ औं स्थानमा रहेको छ भने माइक्रोसफ्ट कम्पनी ३४ औं नम्बरमा पुगेको छ । यस्तै मल्निेशनल कम्पनी एचपी पहिलो पटक सो सूचीमा समावेश भएको छ । लगातार व्यक्तिगत विवरण चुहाएपछि फेसुबक रोजगारीका लागि उपयुक्त स्थल नभएको पाइएको छ ।

ग्लासडोर नामक बेवसाइटले गरेको रेटिङमा संसारभरका १०० काम गर्न योग्य र आर्कषक कम्पनीहरु उल्लेख गरेको छ । बेस्ट प्लेस टु वर्कको सूचीमा फेसबुक ७ औं नम्बरमा पुगेको छ । गत वर्ष फेसबुक पहिलो नम्बरमा रहेको थियो । गत वर्ष फेसबुक रेटिङमा ५ मा ४.६ अंक पाएको थियो । यस वर्ष घटेर ४.५ मा झरेको छ ।सन् २०१५ पछि फेसबुकको रेटिङमा गिरावट आएको हो । ग्लासडोरका कम्युनिटी एक्पर्ट डोब्रोस्कीकाअनुसार फेसबुकमा काम गर्ने कामदार आफै सन्तुस्ट हुन सकेका छैनन् । यो अहिले घटेर ४.६ भन्दा अझै तल ४.३ मा समेत पुग्ने अवस्था आएको छ ।

उनले दावी गरे फेसबुकका कर्मचारी आफ्नो जागिरबाट बाहिरिने तयारीमा रहेका छन् । उनहिरु नयाँ रोजगारीको अवसर खोजी गरिरहेका छन् । फेसबुकका कर्मचारी कम्पनीको नेतृत्व बढी पारदर्शी र आन्तरिक रुपमा बढी प्रजातान्त्रिक होऊन् भन्ने चाहन्छन् । त्यो वातावरण उनीहरुले पाएका छैनन् । डोब्रोस्की भन्छन् फेसबुक अब काम गर्ने उपयुक्त थलो रहेन । उनका अनुसार सन् २०१९ को सूचीमा बोस्टनको व्यवस्थापन परामर्शदाता कम्पनी बेन एण्ड कम्पनी पहिलो नम्बरमा पुग्नेछ । उसले रेटिङमा पनि ५ मध्ये सो कम्पनीले ४.६ अंक पाएको छ । सो कम्पनी सन् २०१२, २०१४ र २०१७ मा पनि पहिलो स्थानमा नै रहेको थियो ।