logo

बहुप्रतिक्षित आइफोन १२ का चार मोडल सार्वजनिक

    1542   पटक पढिएको


२८ असोज/अर्थ र व्यापार– एप्पल कम्पनीले बहुप्रतिक्षित आइफोन १२ सिरिज अन्तर्गत मङ्गलवार राती चार नयाँ मोडल सार्वजनिक गरेको छ । 

कम्पनीले एप्पल १२ अन्तर्गत आइफोन १२, आइफोन १२ मिनी, आइफोन १२ प्रो र आइफोन १२ प्रो म्याक्स गरेर चार नयाँ मोडल सार्वजनिक गरेको थियो ।

एप्पल इन्कका प्रमुख कार्यकारी अधिकृत टीम कुकले एप्पलले सार्वजनिक गरेको एप्पल १२ फाइभजी प्रविधिमा आधारित रहेको र यो कम्पनीका लागि नयाँ युगको सुरुवात भएको बताएका छन् ।

एप्पलले सार्वजनिक गरेको चार वटै मोडलमा स्टोरेज क्षमताका आधारमा थप तीन–तीन मोडलका मोवाइल सार्वजनिक गरेको छ ।

आइफोन १२ र आइफोन १२ मिनी ६४, १२८ र २५६ जिबि स्टोरेज क्षमतामा उपलब्ध हुनेछन् भने आइफोन १२ प्रो र आइफोन १२ प्रो म्याक्स १२८, २५६ र ५१२ जिबि स्टोरेज क्षमतामा उपलब्ध हुनेछन् ।

एप्पलले आइफोन १२ सिरिजमा सबैभन्दा सस्तो आइफोन १२ मिनीको मूल्य ६९९ (८२ हजार नेपाली रुपैयाँ) मूल्य तय गरेको छ ।

आइफोन १२ को मूल्य ७९९ डलरबाट, आइफोन १२ प्रोको मूल्य ९९९ डलरबाट र आइफोन १२ प्रो म्याक्सको मूल्य १०९९ डलरबाट सुरु हुनेछ । सबैभन्दा महँगो ५१२ जिबिको आइफोन १२ प्रो म्याक्सकोे मुल्य १३ सय ९९ डलर पर्नेछ ।

बिबिसिका अनुसार भारतमा आइफोन १२ मिनी ६४ जिबिको मूल्य ६९ हजार ९०० भारतीय रुपैयाँबाट सुरु हुनेछ भने सबैभन्दा महँगो ५१२ जिबि क्षमताको आइफोन १२ प्रो म्याक्सलाई एक लाख ५९ हजार ९०० भारतीय रुपैयाँ पर्ने जानकारी दिएको छ ।

कम्पनीले आइफोन मिनीमा आइफोन १२ मा भएका सबै प्रविधि उपलब्ध हुने तर यसको स्क्रिन साइज भने ५.४ इन्च मात्रै हुने जानकारी दिएको छ । आइफोन १२ को स्क्रिन ६.१ इन्चमा उपलब्ध हुने तर यो आइफोन ११ भन्दा पातलो र १६ प्रतिशत हलुका हुने कम्पनीले जानकारी दिएको छ । 

यस्तै, आइफोन प्रोको स्क्रिन ६.१ इन्च हुनेछ । आइफोन १२ प्रो म्याक्सको स्क्रिन पहिलेका आइफोनको तुलनामा केही ठूलो ६.७ इन्च हुनेछ । 

आइफोन १२ मिनीको प्रिअर्डर ६ नोभेम्वरबाट सुरु हुनेछ भने १३ नोभेम्वरबाट कम्पनीले डेलिभरी दिन सुरु गर्नेछ । त्यसैगरी आइफोन १२ र आइफोन १२ प्रोको प्रिअर्डर १६ अक्टुवरबाट सुरु हुनेछ भने त्यसको डेलिभरी २३ अक्टुवरबाट हुने छ । त्यसैगरी आइफोन १२ म्याक्सको प्रिअर्डर १३ नोभेम्वरबाट सुरु भएर २० नोभेम्वरबाट विक्रि सुरु हुने जानकारी दिइएको छ ।

नयाँ फोनको स्क्रिन रिजोलुसन धेरै भएको र यसमा सेरामिक सिल्ड प्रयोग गरिएको छ । आइफोन १२ मा पहिलोपटक ए–१४ बायोनिक चिप लगाइएको र पाँच वटा न्यानोमिटर प्रोसेसरमा बनाइएको जानकारी दिइएको छ ।

नयाँ फोनमा कम्पनीले १२ मेगापिक्सेलका दुई वटा वाइड एंगल क्यामेरा प्रयोग गरिएको छ । कम्पनीले यसैका कारण कम उज्यालोमा पनि राम्रो तस्विर खिच्न सकिने र फ्लयास नै प्रयोग नगरी नाइटमोड सेल्फी लिन सकिने समेत जानकारी दिएको छ । 

एप्पलले नयाँ फोनको फाइभजी प्रविधिबाट २० गिगावाइटको कुनै फिल्म ४५ सेकेन्डमा डाउनलोड गर्न सकिने जानकारी दिएको छ । कम्पनीले यसका लागि साढे तीन गिगावाइट प्रतिसेकेन्डको स्पिडमा आफ्नो प्रविधिको परीक्षण गरेको जानकारी दिएको छ ।

एप्पलका सिईओ कुकले आइफोनका नयाँ मोडेलहरुमा ओलेड स्क्रिन लगाइएको हुँदा फोनमा उच्च गुणस्तरमा भिडियोको स्ट्रिमिङ हुने, भिडियो गेम खेल्दा अझ बढि रोमाञ्चाकता आउने बताए ।

एप्पल कम्पनीले भारत, नेपाल लगायतका दक्षिण एशियाली बजारमा आफ्नो नयाँ फ्ल्यागसिप ब्राण्ड कहिलेबाट उपलब्ध गराउछ भन्ने विषयमा कुनै जानकारी दिएको छैन् ।


 

तपाईको प्रतिक्रिया

सम्बन्धित शीर्षकहरु

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।