१८ जेठ / अर्थ र व्यापार-गुगलको एन्ड्रोइड अपरेटिङ सिस्टमका निर्माता मध्येका एक एन्डी रुबिनले आफ्नै स्मार्टफोन लञ्च गरेका छन् । कुनै समय इन्टरनेट जाएन्ट गुगलको एन्ड्रोइड सफ्टवेयरका हर्ताकर्ता रहेका एन्डी रुबिनले उच्च मूल्यको गुणस्तरीय स्मार्टफोन बजारमा ल्याएका हुन् ।

सन् २०१४ मा गुगलको जागिर छाडेर रुबिनले एक प्रविधि लगानी कम्पनी खोलेका थिए । उक्त लगानी कम्पनीले इसेन्सल नामक एक कम्पनीमा लगानी गरेको थियो र सोही इसेन्सल कम्पनीले आफ्नो पहिलो स्मार्टफोनको रुपमा इसेन्सल फोन लञ्च गरेको हो ।

यो डिभाइस एन्ड्रोइड अपरेटिङ सिस्टममा आधारित छ जसको मूल्य अमेरिकामा ६ सय ९९ डलर तोकिएको छ । यो स्मार्टफोन बजारमा हाल स्थापित ब्राण्डका स्मार्टफोनहरु अगाडि खरो उत्रिन सक्नेमा शन्देह प्रकट भएको छ । यो फोन महंगो भएको र यसले बजारमा रहेका सुपथ मूल्यका राम्रा फोनसँग टक्कर लिने नसक्ने जस्तो पनि देखिन्छ । 

यो स्मार्टफोनमा २ वटा मूख्य क्यामरा रहेका छन् भने एउटा सेल्फी क्यामरा रहेको छ, जसले सेल्फी मोडमा कुनैपनि प्रकारको प्रकाशको अवस्थालाई ह्याण्डल गर्न सक्दछ ।यो स्मार्टफोनमा टाइटानियम प्रयोग गरिएको छ , जसका कारण यो फोनमा बाहिरी खोल राख्नुपर्ने छैन, सुरक्षित रहेको छ ।