२३ पुस/अर्थ र व्यापार – नेपाल टेलिकमको बजार व्यवस्थापन कार्यलाई प्रभावकारी बनाउन नेपाल टेलिकम र एनआईटीभी नेपाल लिमिटेड बीच सम्झौता भएको छ । नेपाल टेलिकमका सेवालाई प्रभावकारी बनाउन आवश्यक डिजिटल मार्केटिङ कार्यमा सघाउने उद्देश्यले एनआईटीभी नेपालले आवश्यक भूमिका निर्वाह गर्नेछ ।
दुवै पक्षबीच कम्पनीसँग सम्बन्धित विभिन्न प्रकारका समाजिक सञ्जाल र अन्य अनलाइन माध्यमको प्रयोग गरी सेवाग्राही समक्ष अन्तरक्रिया गर्ने र गुणस्तरीय सेवा उपलब्ध गराउने कार्यमा सहकार्य हुने टेलिकमले जनाएको छ ।
नेपाल टेलिकमको तर्फबाट प्रबन्ध निर्देशक संगीता पहाडी (अर्याल) र एनआईटीभी नेपालको तर्फबाट कार्यकारी निर्देशक राजेन्द्रप्रसाद पौडेलले सम्झौतापत्रमा हस्ताक्षर गरे । कम्पनीका विभिन्न प्रकारका सेवा बारे धेरै सेवाग्राहीसमक्ष जानकारी प्रदान गर्न र थप गुणस्तरीय सेवा पु¥याउने कार्यमा डिजिटल मार्केटिङको नयाँ टिमले महत्वपूर्ण भूमिका खेल्ने अपेक्षा गरिएको छ ।