logo

पाँच करोड रुपैयाँमा विक्री भयो एप्पलको पहिलो कम्प्युटर

    892   पटक पढिएको

२६ कात्तिक / अर्थ र व्यापार – अमेरिकाको प्रविधिजन्य उपकरणहरु तथा इलेक्ट्रोनिक सामान उत्पादक कम्पनी एप्पलले पहिलो पटक उत्पादन गरेको एक कम्प्युटर पाँच करोड रुपैयाँ भन्दा बढी मूल्यमा बिक्री भएको छ । एप्पलले सबैभन्दा पहिले सन् १९७६ मा निर्माण गरी बजारमा ल्याएका एप्पल वान कम्प्युटर मध्ये चालु हालतमा रहेको सो कम्प्युटर गत मंगलबार लिलामी मार्फत् चारलाख डलर ( पाँच करोड रुपैयाँ भन्दाबढी ) मा बिक्री भएको हो ।
अमेरिकाको क्यालिफोर्नियास्थित जोन मोरान लिलामघरले लिलामीमा राखेको सो कम्प्युटरको मूल्य ६ लाख डलर पर्ने अपेक्षा गरिएकोमा ५ लाख डलर मात्रै परेको हो ।

एप्पल वान कम्प्युटरसँगै एप्पल वान एनटीआई मदरबोर्ड, काठको खोलमा राखिएको एप्पल क्यासेट एडाप्टर, डाटानेटिक्स किबोर्ड रेभ डी, १९८६ प्यानासोनिक भिडियो मनिटर, एप्पल वान कनेक्टिंग केवल र विजुलीमा जोड्ने तार लगायतका सामानहरू लिलामीमा राखिएको छ । यसैगरि, सो सामानसँगै एप्पल वानको बेसिन म्यानुअल, एप्पल वान अपरेसन्स गाइड, प्रोग्रामिङ म्यानुअल तथा दुईवटा एप्पल वान सफ्टवेयर क्यासेट टेपपनि रहेका छन् ।
सो एप्पल वान कम्प्युटर एप्पलका एकजना संस्थापक स्टिभ वज्नियाकले डिजाइन गरी अर्का संस्थापक स्टिभ जब्सले पाटपुर्जा जडान र परीक्षण गरेका थिए । हाल लिलामीमा राखिएको एप्पल वान कम्प्युटर हालसम्म दुईपटक मात्र खरीद बिक्री भएको पाइएको छ । पहिलोपटक इलेक्ट्रोनिक्सका एकजना प्राध्यापकले बजारबाट खरीद गरेको सो कम्प्युटर सन् १९७७ मा एक विद्यार्थीलाई बिक्री गरेका थिए । 
ती विद्यार्थीले त्यसबेला सो कम्प्युटरलाई ६५० अमेरिकी डलरमा खरीद गरेका थिए । सो कम्प्युटरलाई हालै यो क्षेत्रका दिग्गज विज्ञहरूबाट मूल्यांक, परीक्षण तथा मर्मत लगायतका काम गरी त्यसलाई पूर्णरुपमा चालु हालतमा रहेको प्रमाणित गरिएको थियो ।

विश्वमा हालसम्म कोआ काठबाट बनेका एप्पल वानका खोल केवल ६ वटा मात्र अस्तित्वमा छन् । हाल बनविनासका कारण कोआ वनस्पती नासिएर यो काठ दुर्लभ तथा महँगो बनेको छ ।
एप्पलले आफ्नो पहिलो उत्पादनको रुपमा २ सय वटा एप्पल वान कम्प्युटर निर्माण गरेको थियो, जसमध्ये १७५ वटा बिक्री भएका थिए । ती मध्ये करीब २० वटा अझै पनि चालू हालतमा रहेको अनुमान गरिएको छ । ती मध्ये ५० वटा कम्प्युटर क्यालिफोर्नियास्थित बाइटसप नामक पसलका मालिक पाउल टेरेलले खरीद गरेका थिए । 
स्मरणरहोस् सन् २०१३ मा जर्मनीमा भएको लिलामीमा एउटा एप्पल वान कम्प्युटर ६ लाख ७१ हजार डलरमा बिक्री भएको थियो । उक्त कम्प्युटरसँगै एप्पल संस्थापक स्टिभ जब्सको पत्र पनि बिक्री गरिएको थियो । त्यस्तै सन् २०१४ मा अमेरिकाको न्युयोर्कमा एप्पल वान कम्प्युटर ९ लाख पाँच हजार डलरमा बिक्री भएको थियो ।
स्टिभ जब्स, स्टिभ वज्नियाक र रोनाल्ड वाइनेले सन् १९७६ को अप्रिल एकमा क्यालिफोर्नियास्थित घरको ग्यारेजमा एप्पल कम्पनीको स्थापना गरेका थिए ।
एप्पल वानको उत्पादन गर्नका लागि पैसा जुटाउन जब्सले आफ्नो माइक्रोबस बिक्री गरेका थिए भने वज्नियाकले ५०० डलरमा आफ्ना एचपी ६५ क्याल्कुलेटर बिक्री गरेका थिए ।
एप्पल वान कम्प्युटरको बजार मूल्य त्यतिबेला ६६६ डलर ६६ सेन्ट तोकिएको थियो ।
‘यो समाचार बीबीसीको सहयोगमा तयार पारिएको हो ’

तपाईको प्रतिक्रिया

सम्बन्धित शीर्षकहरु

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।