१८ कात्तिक/अर्थ र व्यापार– चाइना साउदर्नले नेपालसहित २१ मुलुकका लागि चीन ट्रान्जिट भएर तेस्रो मुलुकका लागि हुने उडान बन्द गरेको छ । 

चीनको नागरिक उड्डयन प्राधिकरणले केही कम्पनीका उडानमा रोक लगाएसंगै चाइना साउदर्नले पनि मंगलबारबाटै लागू हुने गरी नेपालसहित २१ मुलुकका लागि चीन ट्रान्जिट भएर तेस्रो मुलुकका लागि हुने उडान रोकेको हो ।

रोक लगाइएको मुलुकमा नेपालसहित भारत र बंगलादेश, फिलिपिन्स, रुस, अफ्रिकी मुलुक घाना, इथियोपियासहित १० मुलुक रहेका छन् । 

यसअघि बंगलादेशको ढाका, टर्कीको इस्तानबुल र रुसको मस्कोबाट आएका जहाजमा कोरोना भाइरस पोजेटिभ संक्रमित भेटिएका थिए । 

चिनियाँ सरकारी संचारमाध्यम ग्लोबल टाइम्सका अनुसार पछिल्लो समय यूरोपमा बढिरहेको कोरोना भाइरसको दोस्रो लहरले चीनमा संक्रमित भित्रिन सक्ने जोखिम निम्त्याएको जनाएको छ । 

अहिले चीन जान पीसीआर रिपोर्ट नेगेटिभ अनिवार्य गर्नुका साथै एन्टीबडी परीक्षणको रिर्पोटसमेत अनिवार्य गरेको छ ।