२ माघ /अर्थ र व्यापार - चीनका लागि मात्र एप्पलले हवाई खर्चका लागि प्रति वर्ष २९ करोड अमेरिकी डलर खर्च गर्दै आइरहेको छ । अमेरिकी एयरलाइन्स यूनाइटेडको एउटा आन्तरिक जानकारी सार्वजनिक भएसँगै उक्त कुराको खुलासा भएको हो । प्राप्त जानकारीका अनुसार एप्पलले क्यालिफोर्नियादेखि सांघाईका लागि दैनिक बिजनेस क्लासका ५० टिकेट बुक गराउँदै आएको छ ।
एप्पलले उक्त एयरलाइन्सलाई मात्र आफ्नो अधिकारीहरुको यात्राका लागि वार्षिक १५ करोड डलर भुक्तान गर्दै आइरहेको छ । यो रकम एप्पलले केबल एउटा एयरलाइन्सका लागि मात्र भुक्तान गर्दै आइरहेको छ । सबै एयरलाइन्सको टिकट बुकिङलाई मिलाएर एप्पलको हवाई खर्च करिब ३.२ हजार करोड रुपैयाँ रहेको बताइएको छ ।
एप्पलको हवाई खर्च गुगल र फेसबुकको भन्दा चार गुणा बढी रहेको छ । यि दुई कम्पनीले यूनाइटेडलाई बार्षिक ३.४ करोड डलर दिने गर्दछन् । जबकी एप्पलको हवाई खर्च २९ करोड डलर रहेको छ । यूनाइटेड एयरलाइन्सका साथ एप्पलका अधिकारीहरुको सम्पूर्ण यात्राको करिब २५ प्रतिशत खर्च केबल सांघाई आवत जावतमा मात्र हुने बताइएको छ ।
सन् २०१७ को तथ्याङ्क अनुसार व्यापार यात्रामा सबैभन्दा धेरै खर्च गर्ने देशका रुपमा चीन रहेको छ । उसले बार्षिक करिब ४० लाख करोड रुपैयाँ विजनेश ट्राभलका लागि मात्र खर्च गरेको छ ।
तपाईको प्रतिक्रिया