१ फागुन/अर्थ र व्यापार – अमेरिकाकी उपसहायक विदेश मन्त्री अफरिन अख्तर नेपाल आएकी छिन्। काठमाडौंस्थित अमेरिकी दूतावासका अनुसार दक्षिण तथा मध्य एसियाली मामिला ब्युरो हेर्ने उप–सहायक विदेशमन्त्री सोमबार दिउँसो काठमाडौं आइपुगेकी हुन्।
नेपाल भ्रमणका क्रममा उनले काठमाडौंमा इसिमोड तथा ऊर्जा नेपालका साझेदारहरूसँगै नेपाली सेना र सरकारी अधिकारीहरूसँग भेटघाट गर्नेछिन्।

यस भेटमा उनले जलवायु परिवर्तन, स्वच्छ ऊर्जा, मानवीय सहायता तथा विपद् प्रतिकार्यका विषयमा अनि लोकतन्त्र, मानव अधिकार तथा पारस्परिक आर्थिक समृद्धिलाई अगाडि बढाउने विषयमा छलफल गर्ने नेपालस्थित अमेरिकी दूतावासले जनाएको छ ।