१७ साउन/अर्थ र व्यापार– एक साताभित्रै चीन र जापानबाट ३२ लाख डोज कोभिड खोप नेपाल आउने भएको छ ।
चीन र जापान सरकारले अनुदानमार्फत् दिने भनेर घोषणा गरेको १६/१६ लाख गरी जम्मा ३२ लाख डोज खोप एक साताभित्रै नेपाल आउने भएको हो ।
केही समयअघि चीन र जापानले अनुदानस्वरुप नेपाललाई १६/१६ लाख डोज खोप दिने प्रतिबद्धता गरेको थियो ।
आइतबार गृह मन्त्रालयमा भएको छलफलमा स्वास्थ्य राज्यमन्त्री उमेश श्रेष्ठले चीनबाट १६ लाख र जापानबाट १६ लाख खोप यही साताभित्र आउने जानकारी गराएका हुन् । उनले फाइजरको ४० लाख डोज खोप खरिद गर्नलाई आवश्यक तयारी पनि भइरहेको जनाए ।
चीनले यसअघि पनि नेपाललाई दुई चरणमा १८ लाख भेरोसेल खोप अनुदानमा दिएको थियो । त्यसबाहेक नेपाल सरकारले चीनसँग ४० लाख डोज खोप खरिद गरेको थियो ।
सरकारले जापानले दिन लागेको एन्ट्रेजेनेका खोप यसअघि कोभिसिल्डको पहिलो डोज लगाएर दोस्रो डोज लगाउन बाँकी रहेकालाई लगाउने तयारी गरेको छ ।
तपाईको प्रतिक्रिया