५ साउन/अर्थ र व्यापार– अन्तरराष्ट्रिय वित्त निगम (आईएफसी)ले दक्षिण एशियाका लागि हेक्टर गोमेज आङलाई क्षेत्रीय निर्देशकमा नियुक्त गरेको छ ।

नवनियुक्त क्षेत्रीय निर्देशक गोमेजले आईएफसीले भारतको नयाँदिल्लीलाई आधार बनाएर कोभिड– १९ को असरबाट पुनरुत्थानउन्मुख यस क्षेत्रमा लगानी वृद्धि तथा प्रभावकारी बनाउन थप भूमिका निर्वाह गर्ने बताएको छ ।

कोरोना महामारीका कारण सृजित सीमित सार्वजनिक लगानीको बोझ सहज बनाउन र बढ्दो गरिबीको स्तर घटाउन भूमिका निर्वाह गर्ने निर्देशक गोमेजले बताए । उनले रोजगारी र आर्थिक वृद्धिलाई सघाउन मिलेर काम गर्नुपर्ने बताएका छन् ।

निर्देशक गोमेजले दक्षिण एशियामा कोभिड– १९ को असरबाट पुनरुत्थानका लागि निजी क्षेत्रको भूमिका महत्त्वपूर्ण रहेको नवनियुक्त क्षेत्रीय निर्देशक गोमेजले बताएका छन् ।

कोभिड तथा जलवायु क्षेत्रको लगानीमा केन्द्रित हुँदै दक्षिण एशियाको कोभिडपछिको आर्थिक पुनरुत्थान प्रयत्नहरुमा आईएफसीको सहयोग रहनेमा पनि नवनियुक्त क्षेत्रीय निर्देशक गोमेजले जोड दिएको आईएफसीद्वारा जारी विज्ञप्तिमा उल्लेख छ।