७ माघ / अर्थ र व्यापार- गाउँ पर्यटन प्रवद्र्धन मञ्च (भिटोफ–नेपाल)ले आगामी माघ ११ देखि १३ गतेसम्म बाग्लुङको काँठखोला गाउँपालिका वडा नं. ४ र ५ मा अध्ययन अवलोकन भ्रमण गर्ने भएको छ । भिटोफले नयाँ गन्तव्यहरुको प्रवद्र्धन गर्ने क्रममा वाग्लुङको काँठखोला र फापरखेतमा अध्ययन अवलोकन भ्रमण गर्न लागेको गाउँ पर्यटन प्रवद्र्धन मञ्च(भिटोफ–नेपाल) का अध्यक्ष ध्रुव सिम्खडाले वताए ।
नेपाल सरकारले सन २०२० मा नेपाल भ्रमण वर्ष मनाउने घोषणा गरेको अवस्थामा भिटोफको नयाँ गन्तव्यको पहिचान र प्रवद्र्धनले नेपाल भ्रमण वर्षलाई सहयोग पु¥याउने भिटोफ नेपालका द्धितीय उपाध्यक्ष तथा मिडिया संयोजक गोपाल थापाले वताए । कार्यक्रमका संयोजक भिटोफ नेपालका प्रथम उपाध्यक्ष दिपक दाहाल हुन । 

अध्ययन अवलोकन भ्रमणको अवसरमा काँठखोला गाउपालिका र फपरखेत गाउँपालिकामा होमस्टेको उद्घाटन लगायतका अन्य विविध कार्यक्रम गरिने थापाले अर्थ र व्यापारलाई वताए ।