१५ जेठ / अर्थ र व्यापार- शुक्रबारबाट रिलिज भएको नेपाली चलचित्र ‘पर्व’ले ३ दिनमा करोड ग्रसको कमाई गरेको छ ।

यो चलचित्रले बलियो वर्ड अफ माउथका कारण सोमबार बिहानैदेखि सुखद व्यापार गरिरहेको छ । सोमबार(आज) परेको सार्वजनिक बिदाका कारण चलचित्रलाई फाइदा मिलेको हो ।

शुक्रबार (पहिलो दिन) देशभर चलचित्रले ३० लाखको कमाई गरेको थियो । शनिबार (दोस्रो दिन) व्यापार ७० लाखको व्यापार भएको थियो । आइतबार (तेस्रो दिन) भने देशभर १४ लाखको मात्र व्यापार भएको थियो ।

३ दिनमा चलचित्रले कुल १ करोड ग्रसको व्यापार गरेको चलचित्रमा दिनेश राउतको निर्देशन र नम्रता श्रेष्ठ, कोशिश क्षेत्री, माला लिम्बु, जेबिका कार्की लगायतका कलाकारको अभिनय रहेको छ ।

शुक्रबार काठमाण्डौको क्यूएफएक्सले ७ वटा शो दिएकोमा सोमबार बढाएर ९ र्पुयाएको छ । यस्तै, के एल टावरमा पनि एउटा शो थपिएको छ भने वीएसआर हलमा भने एउटा शो थप गरिएको छ । काठमाण्डौ बाहिर ७ वटा हल थपिएको निर्माणपक्षले जानकारी दिएको छ ।