logo

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

    1599   पटक पढिएको

२९ चैत/अर्थ र व्यापार – विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।
पर्यटन तथा संस्कृति मन्त्री प्रेम आले मगरको प्रमुख आतिथ्यमा चलचित्र विकास वोर्ड सभाहलमा आयोजना भएको बल्कबष्टर नेपाली फिल्म अवार्ड २०७८ मा रजत जयन्ती सम्मानबाट वरिष्ठ गीतकार डा.कृष्णहरि बराल, बरिष्ठ निर्माता निर्देशक दयाराम दाहाल र वरिष्ठ गायिका देविका वन्दना सम्मानित भएका छन ।
यसैगरी, अखिल नेपाल फुटबल संघका अध्यक्ष कर्मा छिरिङ शेर्पा, पुर्व राष्ट्रिय खेलाडी अनिल गुरुङ र पुर्व खेलाडी तथा भकुण्डो चलचित्रका निर्माता सुन्दर थापा क्षेत्रीलाई फुटबल बिधाबाट सम्मान गरिएको छ ।
अग्रज सुवेदी पत्रकारिता पुरस्कारबाट पत्रकार रामहरि सिलवाल, निरन्तरता युवा पत्रकारिता पुरस्कारमा जनसवाल राष्ट्रिय दैनिकका सम्पादक रामजी बगाले र क्रियाशील पत्रकारितामा श्याम स्मृत सम्मानित भएका छन ।
कोभिड १९ कोरोनाको महामारीका बीचमा चलचित्र निर्माण गरि प्रदर्शन गरेका डेढ दर्जन चलचित्रलाई सम्मान पत्र वितरण गरिएको थियो । जसमा वर्षको उत्कृष्ट व्यवसायिक चलचित्रमा म यस्तो गीत गाउँछुबाट नायक पल शाह, नायिका पूजा शर्मा, निर्देशक सुदर्शन थापा, वितरक करण श्रेष्ठले अवार्ड प्राप्त गर्न सफल भए ।
बरिष्ठ चलचित्रकर्मी शिवको निर्माण कम्पनीले कोरोना महामारीमा पहिलो फिल्म रिलिज गरिएकोले सम्मान गरियो । मदन घिमिरे, आर पि पन्त, नरेश पौडेल, गीतकार तथा डिजाइनर सुन्दर श्रेष्ठ, ज्ञानेन्द्र देउजा, उत्तम के.सी, सुभाष गजुरेललगायतको बाक्लो उपस्थित रहेको कार्यक्रममा मायाको चिनो र विश्व कलाकार महासंघको तर्फबाट आजीवन सदस्यको सम्मानपत्र वितरण गरिएको थियो ।
त्यसैगरी सो कार्यक्रममा ९ जना जुरि बरिष्ट चलचित्रकर्मीहरूलाई पनि सम्मानपत्र प्रदान गरिएको थियो । कार्यक्रममा सामाजिक विषयवस्तु उठानमा बनेको चलचित्र चुरिफुरीलाई अवार्ड प्रदान गरिएको थियो भने कठपुतली चलचित्रलाई प्रोत्साहन सम्मान प्रदान गरिएको थियो । नव प्रतिभा बिधामा शक्ति श्रेष्ठले अवार्ड प्राप्त गरेका छन् भने महमारीमा नेपाली चलचित्र चलायमान गराउन महत्वपूर्ण योगदान दिने फिल्म वितरक कम्पनी एफडी कम्पनीबाट सुशील पोखरेल, हल व्यवसायीमा नरेन्द्र महर्जन, फिल्म स्टुडियो बिधाबाट बस्नेत स्टुडियोलाई सम्मानपत्र प्रदान गरिएको थियो ।

तपाईको प्रतिक्रिया

सम्बन्धित शीर्षकहरु

मुख्य खबर

मन्त्रिपरिषद्बाट १६ औं पञ्चवर्षीय योजना पारित, दिउँसो ३ बजे राष्ट्रपति पौडेलले आगामी वर्षको नीति तथा कार्यक्रम प्रस्तुत गर्ने

सरकारले १६औं पञ्चवर्षीय योजना पारित गरेको छ । मंगलबार सिंहदरबारमा बसेको मन्त्रिपरिषद्को बैठकले १६ औं पञ्चवर्षीय योजना पारित गरेको हो ।

काठमाडौं आइपुगे कतारका राजा, राष्ट्रपति रामचन्द्र पौडेलले गरे भव्य स्वागत

कतारका राजा अमिर शेख तमिम बिन हमाद अल थानी काठमाडौं आइपुगेका छन् । उनी आफ्नो निजी विमानमा मंगलबार दिउँसो ३ः३५ बजे काठमाडौको त्रिभुवन अन्तर्राष्ट्रिय विमानस्थलमा अवतरण गरेका हुन् ।

नागढुंगा–सिस्ने खोला मुख्य सुरुङमार्गमा ब्रेक थ्रु , प्रधानमन्त्रीले स्वीच थिचेर सुरुङ छिचोलिएको घोषणा गरे

नागढुंगा–सिस्ने खोला मुख्य सुरुङमार्ग निर्माणको काम सोमबार वारपार छिचोलिएर ब्रेक थ्रु भएको छ । यस ठाउँको मुख्य सुरुङ सँगैको आपतकालीन सुरुङ भने गत २२ साउनमै छिचोलिएको थियो ।

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।