१७ मंसिर/अर्थ र व्यापार – नायिका करिश्मा मानन्धरले कक्षा १२ पास गरेकी छन् ।
शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।
अहिले औसत राम्रो नतिजा आएको बताउँदै मानन्धरले भनिन,‘मैले त्यति नै अपेक्षा गरेको थिएँ । ’ यो परिक्षामा करिश्माको जीपीए २.४१ रहेको छ । उनले अब पढाइलाई निरन्तरता दिने बताइन् । करिश्माले गोदावरीस्थित किटिनी माविबाट १२ कक्षाको परीक्षा दिएकी थिइन् । आफूले चाहेको विषय उपलब्ध भएमा त्यही कलेजमा स्नातक तह अध्ययन गर्ने उनको सोच छ ।
करिश्माले भनिन्, ‘मलाई पायक त त्यहीँ पर्छ । सकेसम्म यसमै पढ्छु । तर, चाहेको विषय मिलेन भने अन्यत्र पनि जान सक्छु ।’ उनले पढाइलाई उमेररे कहिल्यै नछेक्ने समेत बताएकी छिन ।