जेठ २०÷अर्थ र व्यापार- सन् २०१७ को ‘मिस नेपाल’ को उपाधी मोरङ उर्लाबारीकी २० बर्षिया नीकिता चन्दकले जितेकि छिन । मुख्य निर्णायक नेपाल राष्ट्र बैंकका गर्भरन डा.चिरञ्जिवि  नेपालले सोधेको प्रश्न नेपाली नारीहरुले नेपालको आर्थिक विकासमा कस्तो योगदान पु¥याउन सक्छन भन्ने प्रश्नको उत्तर दिएर निकिताले उपाधि हात पारेकि हुन ।

होटल अन्नपूर्णमा आयोजना भएको मिस नेपालको फाईनलमा उनले अन्य १८  जना प्रतिस्पर्धी लाई उछिनेकी हुन । मिस नेपाल बनेसंगै चन्दकले अब ‘विश्व सुन्दरी’ प्रतियोगीतामा नेपालको प्रतिनिधित्व गर्ने अवसर समेत पाउनेछिन । चन्दकले भारतको जेडी इन्स्टिच्यूट अफ फेसन टेक्नोलोजीमा फेसन कम्यूनिकेशनको अध्ययन समेत गरेकी छिन् । 

त्यसैगरी यो बर्षको ‘मिस नेपाल अर्थ’ को उपाधी रोजिना श्रेष्ठले र ‘मिस नेपाल इन्टरनेशनल’ को उपाधी नीति शाहले जितिन् । त्यस्तै सहारा बस्नेत ‘मिस एसिया प्यासेफिक इन्टरनेशनल’ घोषित भएकी छिन् । यो टाईटल यसै वर्ष देखि थपिएको हो ।