१४ माघ / अर्थ र व्यापार- नवगायक तथा संगीतकार प्रवेग दोङको “मेरो मुटु” बोलको नयाँ म्युजिक भिडियो सार्वजनिक भएको छ । प्रवासमा रहेर पनि आफ्नो सांगीतिक यात्रालाई अगाडी बढाईरहेका गायक दोङको स्वरमा रहेको ‘मेरो मुटु दुखाउने तिम्रो चाह होला‘’ बोलको गीत अहिले युट्युवमा दर्शकहरुले रुचाईरहेका छन ।

गीतको शब्द लक्की लामाले लेखेका हुन भने संगीत स्वयं दोङले नै गरेका हुन् । युएईको विभिन्न भागहरुमा छायांकन गरेको उक्त गीतको भिडियोमा भने सफल युवा व्यवसायी ओम उप्रेती, मोडल रिया श्रेष्ठ र हास्यकलाकार इन्द्र सेन्चुरीको अभिनय रहेको छ । अभिनय आफ्नो पहिलो प्रयास भएपनि दर्शकहरुले आफ्नो अभिनय मन पराएका कारण आगामी दिनमा पनि अभिनय यात्रालाई व्यवसाय संगै अघि बढाउने उप्रेतिले वताए ।

भिडियोलाई राजेश लामाले निर्देशन र रोहित विक्रम कार्कीले छायांकन गरेका हुन् । युएईको सरकारको अनुमति लिएर तयार पारेको उक्त भिडियोमा युएईको विभिन्न ठाउँहरुको मनोरम दृश्य समाबेश गरिएको छ । समुन्द्र, जहाज लगायत महंगो मूल्यको गाडीहरु समेत यस भिडियोमा प्रयोग गरिएको छ ।