५ पुस /अर्थ र व्यापार - तारागाउँ रिजेन्सी होटल (TRH) ले होटललाई सुविधा सम्पन्न बनाउन र नयाँ प्रविधिहरु जडान गर्नको लागि रिनोभेसन अन्र्तगत ब्यांक्वेट हल, मिटिङ्ग रुमको काममा जोड दिने जनाएको छ । यस्तै होटलले लबि लाउन्ज तथा रुमको डिजाइन, इभेन्ट एन्ड एक्जिबिसन सेन्टर बनाउने बिहीबार सार्वजनिक गरेको वित्तीय विवरणमा उल्लेख गरेको छ ।
होटलले चालु आर्थिक वर्षको पहिलो त्रैमासिक वित्तीय विवरण अनुसार नाफामा व्यापक सुधार गरेको छ । गत वर्षको पहिलो त्रैमासमा बोनश र कर अघि एक करोड २९ हजार रुपैयाँ नाफा गरेको होटलले चालु आर्थिक वर्षको यहि अवधिमा ३ करोड ९० लाख रुपैयाँ नाफा कमाएको हो ।
कूल बिक्री गत आर्थिक वर्षको यहि अवधिको तुलनामा ६ करोड ५५ लाख रुपैयाँले बढेर २६ करोड ३१ लाख रुपैयाँ पुगेको हो । कम्पनीले गत वर्षको यहि अवधिमा १९ करोड ७६ लाख रुपैयाँ मात्रै आम्दानी गरेको थियो । यस्तै कम्पनीले अन्य बिजनेशबाट १५ करोड ९६ लाख रुपैयाँ गरि ३ करोड ९० लाख रुपैयाँ आम्दानी हो ।
होटलको शेयर पूँजी एक अर्ब ८८ करोड ६६ लाख र जगेडा कोषमा ४८ करोड २ लाख रुपैयाँ सञ्चित छ । कम्पनीको प्रतिशेयर आम्दानी २ रुपैयाँ ०७ पैसा, प्रतिशेयर नेटवर्थ १३१ रुपैयाँ ०१ पैसा र मूल्य आम्दानी अनुपात १२५.५० गुणा बढी छ ।
तपाईको प्रतिक्रिया