ग्लोबल आईएमईको म्युचुअल फन्ड ‘समुन्नत योजना–२’ मा आवेदन खुल्यो

1243 पटक पढिएको

२२ असार/अर्थ र व्यापार – ग्लोबल आइएमई बैंकको कोष प्रवद्र्धनमा अर्को म्युचुअल फन्ड ‘समुन्नत योजना २’ मा आवेदन खुलेको छ ।
यस योजनामा छिटोमा २५ असारसम्म र सो अवधिसम्म सम्पूर्ण रुपमा बिक्री नभएमा ४ साउनसम्म आवेदन दिन सकिनेछ । अनलाइन प्रणाली मेरोसेयरमार्फत आवेदन दिन सकिनेछ ।
फण्डको यस योजनामा लगानी गर्ने इकाइधनीले औसत वार्षिक २२.४ प्रतिशत प्रतिफल पाउने कोष व्यवस्थापक ग्लोबल आइएमइ क्यापिटलको दावी छ । ग्लोबल आइएमई क्यापिटलमा ग्लोबल आइएमइ बैंकको ८१.५० प्रतिशत स्वामित्व रहेको छ ।
१० वर्षपछि परिपक्क हुने योजना १ अर्ब २० करोडको हुनेछ । अधिक आवेदन आएमा यो आकार २५ प्रतिशतसम्मले बढ्नेछ । यो बन्दमुखी योजना हो । ग्लोबल आइएमई म्युचुअल फन्ड अन्तरगतको ग्लोबल आइएमई समुन्नत योजना २ हो ।
यो योजनाले १२ करोड इकाइ सर्वसाधारणमा बिक्री गर्नेछ । प्रति इकाइ १० रुपैयाँका दरले अधिकतम एकसय इकाइका लागि आवेदन दिन सकिन्छ । यस योजनाले इक्विटी र इक्विटी सम्बन्धी साधनमा ७० देखि ९० प्रतिशतसम्म लगानी गर्नेछ ।
अरु ऋणपत्र तथा मुद्दती निक्षेपमा लगानी गर्नेछ । ग्लोबल आइएमई म्युचुअल फण्ड अन्तर्गत हाल २ योजना सञ्चालनमा छन् ।

तपाईको प्रतिक्रिया

सम्बन्धित शीर्षकहरु

सलिको र मातृका आँखा उपचार केन्द्रबीच सम्झौता

प्रभु इन्स्योरेन्सको साधारण सभाबाट १८ प्रतिशत लाभांश पारित

आईएमई लाइफ इन्स्योरेन्सका बीमितलाई ओम हस्पिटलमा १० प्रतिशत छुट

समृद्धि र पोखरा फाइनान्सबीच मर्जर सम्झौता

जिओ फ्लाईट सञ्चालनमा