२२ फागुन /अर्थ र व्यापार - सर्बोत्तम सिमेन्टले ४० करोड रुपैयाँ बराबरको सर्वसाधारण सेयर (आइपिओ) निष्काशन गर्ने भएको छ । हाल कम्पनीको चुक्ता पुँजी ४ अर्ब रुपैयाँ छ । त्यसको १० प्रतिशत अर्थात् ४० करोड रुपैयाँ बराबरको आइपिओ निष्काशनको प्रक्रिया शुरु गरिएको कम्पनीका अध्यक्ष विष्णु न्यौपानेले जानकारी दिए ।आइपिओ जारी गर्नका लागि कम्पनी ३ वर्षदेखि लगातार नाफामा गएको हुनुपर्छ ।

सर्बोत्तम सिमेन्ट लगातार ३ वर्षदेखि नाफामा रहेको छ । कति मूल्यमा आइपिओ जारी गर्ने भन्ने विषयमा टुंगो नलागिसकेको उनले बताए । सर्बोत्तम सिमेन्ट सौरभ ग्रुपको उत्पादन हो । यो ग्रुपले स्टील तथा डण्डी उद्योगमा ३ अर्ब २७ करोड रुपैयाँ लगानी थप्ने भएको छ । सर्वोत्तम ब्राण्डमा नयाँ डन्डी बजारमा ल्याउन लागेको हो ।