१२ चैत्र / अर्थ र व्यापार - सानिमा लाइफ इन्स्योरेन्सले एकै दिन ३ शाखा खोलेको छ । कम्पनीले आफ्नो व्यावसायिक लक्ष्य प्राप्तिका लागि देशभरि शाखा सञ्जाल विस्तार गर्ने र जीवन बिमा सेवा उपभोग गर्न नपाएका नेपालीहरूलाई जीवन बिमाको दायरामा ल्याई अत्याधुनिक स्तरको प्रविधियुक्त जीवन बिमा सेवा प्रदान गर्ने उद्देश्यले शाखा खोलिएको जनाएको छ । 
कम्पनीका सञ्चालक घनश्याम थापा, बद्री विशाल घिमिरे, नायव महाप्रवन्धक केशवराज केसीलगायतको उपस्थितिमा काठमाडौंको सोल्टीमोड, भक्तपुरको सल्लाघारी र काभ्रेपलान्चोकको बनेपामा विधिवत रूपमा तीनवटा शाखा कार्यालय खुलेको हो । 
सानिमा लाइफ इन्स्योरेन्स लिमिटेड कम्पनी ऐन २०६३ तथा बीमा ऐन २०४९ अन्तर्गत स्थापना भएको हो । सानिमा बैंक तथा राष्ट्रियरअन्तर्रा्ष्ट्रिय स्तरमा व्यावसायिक अनुभव हासिल गरेका प्रतिष्ठित गैरआवासीय नेपालीहरूको समूहद्वारा सानिमा लाइफ इन्स्योरेन्स लिमिटेडको प्रवद्र्धन गरिएको छ । 
कम्पनीको चुक्तापुँजी १ अर्ब ४० करोड छ भने जारी पुँजीको ३० अर्थात् ६० करोड निकट भविष्यमा सर्वसाधारण सेयर बिक्री गरी चुक्तापुँजी २ अर्ब कायम गरिने जनाइएको छ ।