१९ असार / अर्थ र व्यापार - सगरमाथा इन्स्योरेन्स कम्पनीको आव २०७४÷७५ को २२ औँ  वार्षिक साधारणसभाले कम्पनीको हालको चुक्ता पुँजी ५३ करोड ८२ लाख ९१ हजार ९ सय रुपैयाँ रहेकोमा ८५ प्रतिशत बोनस सेयर वितरण गर्ने र उक्त बोनस सेयरमा लाग्ने लाभांश कर सेयरधनी स्वयंले बेहोर्नु पर्ने प्रस्ताव पारित गरेको छ । 

उक्त प्रस्ताव पारित भएपश्चात कम्पनीको चुक्ता पुँजी १ अर्ब १२ लाख २२ हजार रुपैयाँ पुगेको छ । साथै उक्त साधारणसभाले कम्पनीको नियमावलीमा संशोधन गरी सञ्चालक समितिको संख्या ७ जना कायम गरेको छ । उक्त साधारणसभाले कम्पनीको संस्थापक सेयरधनी समूह ‘क’ बाट प्रतिनिधित्व गर्ने ३ जना र सर्वसाधारण समूह ‘ग’बाट प्रतिनिधित्व गर्ने २ जना सञ्चालक निर्वाचित गरेको छ । 

संस्थापक सेयरधनी समूह ‘क’ बाट रामकृष्ण मानन्धर, लोकमान्य गोल्छा र सिद्धार्थमणि राजभण्डारी निर्विरोध निर्वा्चित भए र सर्वसाधारण सेयरधनी समूह ‘ग’ बाट कीर्तिकुमार जोशी र गजेन्द्रलाल श्रेष्ठ निर्विरोध निर्वा्चित भए । कम्पनीमा वैदेशिक संयुक्त लगानी साझेदार सेलिन्को इन्स्योरेन्स पीएलसीबाट मनोनित १ जना र स्वतन्त्र सञ्चालक १ जनासहित जम्मा ७ जनाको सञ्चालक समिति रहनेछ । साँझै बसेको नवनिर्वाचित सञ्चालकहरुकोे बैठकबाट सञ्चालक समितिको अध्यक्षमा रामकृष्ण माननधर सर्वसम्मत रूपमा पुनः निर्वाचित भएका छन् ।