१४ जेठ /अर्थ र व्यापार - ६० प्रतिशत हकप्रद शेयर निष्कासन गर्न लागेको एनएलजी इन्स्यारेन्स कम्पनीको वार्षिक साधारण सभा आज हुने भएको छ । सभामा इन्स्योरेन्सले पुँजी वृद्धिका लागि ६० प्रतिशत हकप्रद बिक्री गर्ने भएको छ । कम्पनीले १० बराबर ६ को अनुपातमा हकप्रद शेयर जारी गर्ने भएको छ । 

साधारण सभा रसियन सेन्टर अफ साइन्स् एन्ड कल्चरको सभा हल कमलपोखरीमा १० बजेदेखि हुँदैछ । एनएलजीले हाल कायम ६४ करोड ४ लाख ६ हजार २५० रुपैयाँ चुक्ता पुँजीको ६० प्रतिशत हकप्रद शेयर निष्कासन गर्न लागेको हो ।

कम्पनीले कुल ३८ लाख ४२ हजार ४३७ दशमलव ५ कित्ता शेयर निष्कासन गर्नेछ । हकप्रदपछि पुँजी १ अर्ब २ करोड ४६ लाख ५० हजार रुपैयाँ पुग्नेछ । कम्पनीले जेठ ६ गते बुक क्लोज गरेको छ । जेठ ५ गतेसम्म कायम सेयरधनीले मात्र विशेष साधारण सभामा भाग लिन सक्नेछन् ।