५ जेठ /अर्थ र व्यापार - नेपाल लाइफ इन्स्योरेन्सले १९औं बार्षिक साधारण सभाबाट  चुक्ता पूँजीको २५ प्रतिशत बोनस शेयर वितरण गर्ने प्रस्ताव पारित गरेको छ । वीरगंजमा भएको सभाले  २३.५० नगद लाभांस वितरणको प्रस्ताव पनि पारित गरेको छ ।

शेयर वितरणपछि कम्पनीको चुक्ता पूँजी ५ अर्ब ४९ करोड ९६ लाख रुपैयाँ पुगेको छ । अध्यक्ष गोविन्दलाल संघाईले साधारण सभामा बार्षिक प्रतिवेदन प्रस्तुत गरेका थिए । उनले कम्पनीले कुल बीमाशुल्क आम्दानीमा सर्वा्धिक करिब ३२ प्रतिशत बजार हिस्सा हासिल गर्न सफल भएको बताए । 

कम्पनीको लगानी ६७ अर्ब रुपैयाँ रहेको छ भने जीवन बीमा कोष ५९ अर्ब रुपैयाँ र शेयरधनी कोष १० अर्ब ४० करोडभन्दा बढी रहेको छ । कम्पनीमा एक लाख २२ हजारभन्दा बढी प्रशिक्षित अभिकर्ता छन् ।  एक सय ७७ भन्दा बढी शाखा तथा उपशाखाहरूमार्फत जीवन बीमा सम्बन्धी सेवा दिँदै आएको छ । २५ लाख व्यक्ति कम्पनीमा बीमित भइसकेका छन् ।