समीक्षा अवधिमा नेपाल लाइफ इन्स्योरेन्सद्वारा ३ अर्ब ३३ करोड रुपैयाँ बीमा शूल्क आर्जन
२९ माघ /अर्थ र व्यापार - नेपाल लाइफ इन्स्योरेन्सले चालू आर्थिक वर्षको दोस्रो त्रैमासमा १० अर्ब ४७ करोड ५४ लाख रुपैयाँ खुद बीमा शूल्क आर्जन गरेको छ । समीक्षा अवधिमा ३ अर्ब ३३ करोड रुपैयाँले खुद बीमा शूल्क आर्जन बढाएको हो ।
गत वर्षको यस अवधिमा कम्पनीले ७ अर्ब १४ करोड ५४ लाख रुपैयाँ खुद बीमा शुल्क आर्जन गरेको थियो । जीबन बीमा कम्पनीहरुमै धेरै पूँजी रहेको यस कम्पनीले पुस मसान्तसम्ममा २८ करोड ५ लाख रुपैयाँ खुद नाफा गरेको छ । यो बीमाङ्कीय मूल्याङ्कन अघिको नाफा हो । कम्पनीको यस्तो नाफा गत आर्थिक वर्षको दोस्रो त्रैमासको तुलनामा ८ लाख ४६ हजार रुपैयाँले बढेको हो । गत वर्षको यसै अवधिमा २७ करोड ९६ लाख रुपैयाँ खुद नाफा गरेको थियो ।
यस त्रैमासम्ममा कम्पनीले पुर्नबीमा कमिशनबाट एक करोड ५१ लाख रुपैयाँ, लगानी कर्जा तथा अन्य आयबाट २ अर्ब १८ करोड ८९ लाख रुपैयाँ आर्जन गरेको छ । यस्तै बीमालेख धितोमा १० अर्ब १० करोड ९९ लाख रुपैयाँ कर्जा लगानी गरेर ४९ करोड ९४ लाख रुपैयाँ आम्दानी गरेको छ । चुक्ता पूँजी ४ अर्ब ३९ करोड रुपैयाँ रहेको कम्पनीको पुस मसान्तसम्ममा जीवन बीमा कोषमा ५६ अर्ब ७३ करोड ८३ लाख रुपैयाँ, जगेडा कोषमा ३ अर्ब ७३ करोड ६१ लाख रुपैयाँ र महाविपत्ती कोषमा ३७ करोड ११ लाख रुपैयाँ सञ्चित छ ।
गत आवको पुस मसान्तसम्ममा कम्पनीको चुक्ता पूँजी ३ अर्ब ९ करोड ६४ रुपैयाँ तथा जीवन बीमा कोषमा ४५ अर्ब ६३ करोड ४१ लाख रुपैयाँ, जगेडा कोषमा ५ अर्ब २ करोड ९४ लाख रुपैयाँ र महाविपत्ती कोषमा ३२ करोड ५३ लाख रुपैयाँ सञ्चित थियो । हाल कम्पनीको १२ लाख ९ हजार ७२० वटा बीमा लेखहरु कायम छन् । हालसम्म कुल ७९ अर्ब १५ करोड रुपैयाँ कुल बीमा शुल्क आर्जन गरेको कम्पनीले २८ हजार ४४८ दाबी वापत ५ अर्ब ४२ करोड रुपैयाँ भुक्तानी गरेको छ भने एक अर्ब ७८ करोड रुपैयाँ बराबरको दाबी भुक्तानी गर्न बाँकी छ । यस अवधिमा कम्पनीको प्रतिशेयर आम्दानी १२ रुपैयाँ ७६ पैसा, प्रतिशेयर नेटवर्थ १९३ रुपैयाँ ३८ पैसा र मूल्यआम्दानी अनुपात ८६.५२ गुणा बढी छ ।
सम्बन्धित शीर्षकहरु
मुख्य खबर
नेपाल र चीनबीच ८ सहमतिपत्रमा हस्ताक्षर, आपसी सहकार्यसम्बन्धी सहमतिले थप विकासको ढोका खोलिँदै
नेपाल र चीनबीच ८ सहमतिपत्रमा हस्ताक्षर भएको छ । चीन भ्रमणमा रहेका प्रधानमन्त्री केपी शर्मा ओली र चिनियाँ समकक्षी ली छ्याङबीच मंगलबार ८ बुँदे सहमतिपत्रमा हस्ताक्षर भएको हो।
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया