४ मंसिर/अर्थ र व्यापार– गत आवको पहिलो त्रैमासको तुलनामा चालू आवको पहिलो त्रैमासमा नेको इन्स्योरेन्स कम्पनीको नाफा ६५ प्रतिशत वृद्धि भएको छ । 

गत आवको पहिलो त्रैमासमा कम्पनीले रू. ७ करोड ५३ लाख ५३ हजार नाफा आर्जन गरेकोमा चालू आवको पहिलो त्रैमासमा वृद्धि भएर रू. १२ करोड ४४ लाख ५८ हजार पुगेको छ ।

कम्पनीको चुक्तापूँजी रू. १ अर्ब ३१ करोडभन्दा बढी रहेको छ ।  चालू आवको पहिलो त्रैमासमा कम्पनीको जगेडा कोषमा रू. ५८ करोड ४ लाख सञ्चित छ भने बीमा कोषमा रू. ८९ करोड ३९ लाख जम्मा भएको छ ।

चालू आवको पहिलो त्रैमासमा कम्पनीले रू. ६८ लाख १७ हजार बीमाशुल्क आर्जन गरेको छ । सो अवधिमा कम्पनीले १ हजार ५६६ जनालाई रू. २० करोड ३९ लाख दाबी भुक्तानी गरेको छ भने २ हजार ४६९ जनालाई रू. ६६ करोड ६६ लाख दाबी भुक्तानी गर्न बाँकी रहेको छ । 

कम्पनीको प्रतिशेयर आम्दानी रू. ३७.७९(वार्षिक), मूल्य आम्दानी अनुपात २०.९३ र प्रतिशेयर नेटवर्थ रू. २१८.४० रहेको छ ।