आठ महिनादेखि बन्द भारत र बंगलादेश उडान सुरु गर्ने मन्त्रिपरिषद्को निर्णय
११ मंसिर/अर्थ र व्यापार– बुधबार बसेको मन्त्रिपरिषद् बैठकले आठ महिनादेखि उडान बन्द भएको भारत र बंगलादेश नियमित उडान सुरु गर्ने निर्णय गरेको छ ।
संस्कृति, पर्यटन तथा नागरिक उड्डयन मन्त्रालयले नियमित उडान सुरु गर्नका लागि दुवै मुलुकसँग कूटनीतिक प्रक्रिया सुरु गर्ने तयारी रहेको जनाएको छ । उडान मिति भने दुवै मुलुकबाट अनुमति आएपछि मात्र तय हुने छ ।
चैतअघि नेपाल–भारत चार गन्तव्यमा दुई नेपाली वायुसेवा कम्पनी र तीन भारतीय वायुसेवा कम्पनी (एयर इण्डिया, भिस्तारा र इण्डिगो) ले उडान गर्दै आएका थिए ।
बन्दाबन्दीको समयमा नेपाल–भारत चार्टर उडान समेत भएको थिएन । भारतले आउँदो डिसेम्बरदेखि अन्तर्राष्ट्रिय उडान चालु गर्ने योजना बनाएको छ ।
नेपाल–बंगलादेशबीच भने उडान बन्द भएको अवधिभर चार्टर उडान भएको थियो । चैतअघि नेपालको हिमालय एयरलाइन्स र बंगलादेशको विमान बंगलादेशले नियमित उडान गर्दै आएका थिए ।
मन्त्रालयका अधिकारीहरुका अनुसार निर्णय भएलगत्तै दुईपक्षीय उडान सुरु नहुने बताए । दुवै मुलुकले बनाएको निर्देशिका बमोजिमका सर्त–सहमतिका आधारमा उडान सुरु हुने जानकारी दिए ।
त्रिभुवन अन्तर्राष्ट्रिय विमानस्थलका अनुसार हाल १० वटा अन्तर्राष्ट्रिय वायुसेवा कम्पनीहरुको दैनिक ११ वटा उडान र १३ वटा अवतरण हुँदै आएको छ ।
सम्बन्धित शीर्षकहरु
मुख्य खबर
नेपाल र चीनबीच ८ सहमतिपत्रमा हस्ताक्षर, आपसी सहकार्यसम्बन्धी सहमतिले थप विकासको ढोका खोलिँदै
नेपाल र चीनबीच ८ सहमतिपत्रमा हस्ताक्षर भएको छ । चीन भ्रमणमा रहेका प्रधानमन्त्री केपी शर्मा ओली र चिनियाँ समकक्षी ली छ्याङबीच मंगलबार ८ बुँदे सहमतिपत्रमा हस्ताक्षर भएको हो।
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया