११ माघ/अर्थ र व्यापार– चालू आवको दोस्रो त्रैमासिक वित्तीय विवरण अनुसार मिर्मिरे लघुवित्त वित्तीय संस्थाको नाफा गत आवको दोस्रो त्रैमासको तुलनामा ८८.७७ प्रतिशतले वृद्धि भएको छ ।
कम्पनीले चालू आवको दोस्रो त्रैमासमा रू. ७ करोड ५१ लाख नाफा कमाएको छ । यो नाफा गत आवको दोस्रो त्रैमासमा रू. ३ करोड ९८ लाख रुपैयाँ मात्रै थियो ।
चालू आवको दोस्रो त्रैमासमा कम्पनीको खुद ब्याज आम्दानी ७३ प्रतिशत र सञ्चालन नाफा १२० प्रतिशतले वृद्धि भएको हो । कम्पनीको हाल चुक्तापूँजी रू. ३९ करोड ८६ लाख रहेको छ । जगेडा कोषमा रू. २० करोड ५४ लाख सञ्चित गरेको छ ।
कम्पनीले पहिलो त्रैमासमा समावेश भएको चुक्तापूँजी रकममा निष्कासन हुन बाँकी एफपीओ रकम रू. ३७ लाख २६ हजार सहित हुन गएकाले चालू आवको दोस्रो त्रैमासमा उक्त एफपीओ निष्कासन रकमलाई घटाएर पूँजी रू. ३९ करोड ८६ लाख २६ हजार कायम भएको कम्पनीले जानकारी गराएको छ ।
कम्पनीको हाल प्रतिशेयर आम्दानी रू. ३७ दशमलव ९४ प्रतिशत, मूल्य आम्दानी अनुपात ३८ दशमलव ०९ गुणा, तरलता अनुपात २४ प्रतिशत र प्रतिशेयर नेटवर्थ रू. १५१ दशमलव ५५ रहेको छ ।
कम्पनीले गत आवको मुनाफाबाट शेयरधनीलाई १२ प्रतिशत बोनस शेयर वितरण गर्ने प्रस्ताव गरेको छ ।
तपाईको प्रतिक्रिया