१७ फागुन /अर्थ र व्यापार  - गत भदौमा सर्वसाधारणमा साधारण शेयर जारी गरेको कालिका पावर कम्पनीले चैत ८ गते ११ औं वार्षिक साधारण सभा आह्वान गरेको छ । कम्पनीले कम्पनीको रजिष्टर्ड कार्यालय भरतपुर–१० चितवनमा बिहान ११ बजे बोलाएको हो ।

साधारण सभामा कम्पनीले सर्वसाधारण २ जना तथा एक जना संस्थापक शेयरधनीको तर्फबाट प्रतिनिधित्व गर्ने सञ्चालक निर्वाचन गर्ने, आर्थिक वर्ष २०७४र०७५ को वासलात, नाफा नोक्सान हिसाब र नगद प्रवाहको विवरण स्वीकृत गर्ने, र वार्षिक प्रतिवेदनमा छलफल गरी पारित गर्ने एजेण्डा रहेको छ । 

साधारण सभा प्रयोजनका लागि कम्पनीले फागुन २७ गतेदेखि ३० गतेसम्म शेयरधनी दर्ता पुस्तिका बन्द गर्ने मिति तोकेको छ । यसअनुसार फागुन २६ गतेसम्म कायम शेयरधनीले मात्र सभामा प्रतिनिधित्व जनाउन सक्नेछन् ।

आईपिओ बिक्री गरी ६० करोड रुपैयाँ चुक्ता पूँजी बनाएको कालिका पावरले चालु आर्थिक वर्षको दोस्रो त्रैमासमा यसले ९ करोड ४ लाख ९६ हजार रुपैयाँ खुद नाफा कमाएको छ । यस्तै कम्पनीको वार्षिक प्रतिशेयर आम्दानी ६ रुपैयाँ ७८ पैसा छ ।