२७ असोज/अर्थ र व्यापार– आइएमई समूहले कोभिड–१९ महामारीबाट विदेशमा मृत्यु भएका नेपालीका परिवारलाई सहयोग गर्ने उद्देश्यले ‘भरोसा कोष’ स्थापना गरेको छ ।

आईएमईले यसपटक चाडपर्व लक्षित स्किम भन्दापनि कोभिड–१९ महामारीबाट विदेशमा आफन्त गुमाउन परेकाहरुलाई आर्थिक सहायता उपलब्ध गराउने उद्देश्यले आइएमई ‘भरोसा कोष’ को स्थापना गरिएको जनाएको छ । 

सन् २०२० को जनवरीदेखि अक्टोबर १६ सम्म कोभिड–१९ महामारीबाट विदेशमा ज्यान गुमाएका नेपालीका परिवारले आवश्यक विवरणसहित आइएमई समूहको केन्द्रीय कार्यालय पानी पोखरी र प्रादेशिक कार्यालयमा कात्तिक मसान्त सम्म आवेदन दिनुपर्नेछ । 

आइएमई व्यवस्थापनले आफ्ना आधिकारिक वेबसाइटहरू मार्फत निवेदन दिन आह्वानपत्र जारी गरेको छ ।
रितपुर्वक आएका आवेदन उपर छलफल गरी आर्थिक सहायता उपलब्ध गराइने कम्पनीद्धारा जारी विज्ञप्तिमा उल्लेख छ ।

आर्थिक सहायता उपलब्ध गराइने सम्बन्धी अन्तिम निर्णय गर्ने अधिकार कम्पनीमा निहित हुने पनि विज्ञप्तिमा उल्लेख छ ।

आइएमई व्यवस्थापनद्धारा जारी विज्ञप्तिमा यस वर्ष पर्वलक्षित स्किममा खर्चिने श्रोत तथा साधनलाई कल्याणकारी कार्यमा लगाउने निर्णय गरेको उल्लेख छ ।