२६ मंसिर/ अर्थ र व्यापार - चिलिमे जलविद्युत कम्पनीले गत आर्थिक वर्षको नाफाबाट २५ प्रतिशत लाभांस घोषणा गरेको छ । कम्पनीले पूँजी बढाउनको लागि २० प्रतिशत बोनस शेयर र कर प्रयोजन सहित ५ प्रतिशत नगद लाभांस दिने घोषणा गरेको हो ।
बुधबार विहान बसेको सञ्चालक समितिको बैठकले सञ्चित मुनाफाबाट लाभांस वितरण गर्नको लागि आगामी साधारणसभामा प्रस्ताव लैजाने निर्णय गरेको हो । कम्पनीले गत वर्षको भन्दा ५ प्रतिशत लाभांस बढाएको छ । कम्पनीले आफ्नो अन्य जलविद्युत आयोजनामा लगानी गरिरहेको हुँदा हरेक वर्ष पूँजी संकलनको लागि नगद भन्दा बोनस शेयरलाई प्राथमिकता दिदै आएको छ । कम्पनीले पछिल्लो समय माथिल्लो तामाकोशी, मध्ये भोटेकोशी, रसुवागढी, सान्जेन लगायतका जलविद्युत आयोजनामा लगानी गर्दै आएको छ ।
कम्पनीले १५ प्रतिशत बोनस शेयर वितरण गरे सँगै चुक्ता पूँजी ४ अर्ब ७५ करोड रुपैयाँ पुग्नेछ । असार सम्मको वित्तीय विवरण अनुसार कम्पनीको जगेडा कोषमा ५ अर्ब २४ करोड रुपैयाँ रहेको छ । गतवर्ष कम्पनीले ९३ करोड ८७ लाख रुपैयाँ नाफा गरेको थियो। प्रतिशेयर आम्दानी २३ रुपैयाँ थियो । कम्पनीले यस वर्ष जगेडा कोषबाट बोनस शेयर दिने निर्णय गरेको हो ।
तपाईको प्रतिक्रिया