२५ असोज/अर्थ र व्यापार– निजी क्षेत्रको सबैभन्दा ठूलो वायुसेवा कम्पनी बुद्ध एयरले आफ्नो स्थापनाको २३ वर्ष पुरा गरी २४ औं वर्षमा प्रवेश गरेको छ ।  

बुद्ध एयरले सन् १९९७ अक्टुबर ११ अक्टोवरदेखि नेपालमा आन्तरिक उडान सुरु गरेको हो ।

नेपालको सन्दर्भमा बुद्ध एयर आन्तरिक उडानमा सबैभन्दा धेरै जहाज भएको सफल एयरलाईन्स कम्पनी हो । बुद्ध एयरसंग १३ जहाज र ११ सय कर्मचारी रहेका छन् । 

बुद्ध एयरका प्रबन्ध निर्देशक विरेन्द्रबहादुर बस्नेतले स्थापनाको सबैभन्दा कठिन समय कोरोना महामारीलाई भोगेको बताए । 

महामारीको कठोर सामाना गरिरहेको अवस्थामा समेत एकजना पनि कर्मचारी ननिकालेर सबैलाई नियमित तलब दिएर नियमित जहाजको मर्मतसम्भार गरिरहेको प्रबन्ध निर्देशक बस्नेतले जानकारी दिए ।