‘कोषको रकमलाई देशको प्राथमिकता प्राप्त निर्माण क्षेत्रमा योगदान पु¥याउने कार्य गर्नुपर्छ’

216 पटक पढिएको

५ चैत/अर्थ र व्यापार– अर्थ मन्त्रालयका सचिव घनश्याम उपाध्यायले नागरिक लगानी कोषको रकमलाई देशको प्राथमिकता प्राप्त निर्माण क्षेत्र एवं मुलुकको अर्थतन्त्र विस्तामा योगदान पु¥याउने कार्य गर्नुपर्ने बताएका छन् । नागरिक लगानी कोषको काठमाडौमा सम्पन्न ३५ औं वार्षिकोत्सव कार्यक्रममा अर्थसचिव उपाध्यायले यस्तो बताएका हुन् ।
कोषले आफूसँग रहेको रकमलाई सरकारले निर्धारण गरेको प्राथमिकताका र उत्पादनशील क्षेत्रमा प्रयोग गरी राष्ट्रिय अर्थतन्त्रमा योगदान पु¥याउनुपर्नेमा जोड दिँदै उनले आम नागरिकलाई कसरी कोषमा आवद्ध गराउने भन्नेतर्फ कोषले काम गर्नुपर्ने बताए ।
उनले सामाजिक सुरक्षाको क्षेत्रमा कोषले थप कार्य गर्नुपर्ने भन्दै आगामी दिनमा नागरिकको हितमा कोषले काम गर्दै जाने छ भन्नेमा आफु आशावादी रहेको बताए ।
कोष सञ्चालक समितिका अध्यक्ष प्राडा सूर्यबहादुर थापाले उच्च आर्थिक विकासमार्फत मात्रै समाजमा देखिएको विद्यमान वेरोजगारीको अन्त्य गर्न सकिने भन्दै दिगो विकास र स्थायित्वमा जोड दिए । आगामी दिनमा देशको आर्थिक वृद्धिदरमा टेवा पु¥याउने र रोजगारी सिर्जना गर्न कृषि, पर्यटन, ऊर्जा र पूर्वाधार निर्माण जस्ता उत्पादनशील क्षेत्रमा आफ्नो लगानीलाई विस्तार गर्दै लैजानुपर्ने उनको भनाइ थियो ।
कोषका कार्यकारी निर्देशक पर्वतकुमार कार्कीले २ करोड ४४ लाख रुपैयाँको चुक्ता पुँजीबाट सुरु भएको कोषको अहिले चुक्ता पुँजी ६ अर्ब ४८ करोड १७ लाख पुगेको बताए । कोषमा आवद्ध करिब ७ लाख सहभागीलाई ध्यानमा राखेर सरल र झन्झट रहित सेवा र कोषको हिसाबकिताब चुस्त दुरुस्त राख्न अटोमेसन र डिजिटलाइजेसनलाई कोषले प्राथमिकतामा राखेको उनको भनाइ थियो ।

तपाईको प्रतिक्रिया

सम्बन्धित शीर्षकहरु

हिमालयन लाइफ इन्स्योरेन्सको लाभांश घोषणा

सगरमाथा लुम्बिनी इन्स्योरेन्सको २८औं वार्षिक साधारण सभा सम्पन्न

आइएमई लाइफद्धारा ३ करोडबढी दावी भुक्तानी

नेपाल निर्जीवन बीमा व्यवसायी संघका प्रतिनिधी र प्राधिकरण अध्यक्षबीच भेटवार्ता

सूर्यज्योति लाइफ इन्स्योरेन्सको डिजिटल कार्ड’ र ‘ई–कर्जा’ सेवा