१९ भदौ/अर्थ र व्यापार – सिटिजन्स क्यापिटल लिमिटेडको अठारौं वार्षिक साधारण सभाले १५.५० प्रतिशत नगद लाभांश बाड्ने प्रस्ताव पारित गरेको छ । काठमाडौमा सम्पन्न क्यापिटलको साधारण सभाले सो प्रस्ताव पारित गरेको हो।
वार्षिक साधारण सभामा छलफलका लागि प्रस्तुत गरिएका आर्थिक वर्ष २०८०/८१ को संचालक समितिको वार्षिक प्रतिवेदन, लेखापरीक्षकको प्रतिवेदनसहित २०८१ असार मसान्तको वासलात, नाफा नोक्सानीको हिसाब, नगद प्रवाह विवरण लगायतका वित्तीय विवरणहरू पारित भएका छन्।
यसैगरी, आव २०८१/८२ का लागि लेखापरीक्षण कार्य गर्न लेखापरीक्षकको नियुक्ति र निजको पारिश्रमिक निर्धारण, संस्थाको नियमावली अनुसार गरिएको संचालकको नियुक्ति अनुमोदन र संचालकहरूको बैठक भत्ता परिमार्जन गरिएको क्यापिटलले विज्ञप्ति मार्फत जानकारी दिएको छ ।
सिटिजन्स क्यापिटल सिटिजन्स बैंकको सहायक कम्पनी हो । यो कम्पनीमा कर्मचारी संचय कोष तथा प्रतिष्ठित उद्योगी व्यवसायीहरूको सह–लगानी छ।