३० साउन/अर्थ र व्यापार– प्रभु इन्स्योरेन्सले गत आर्थिक वर्ष २०८०/८१ को अपरिस्कृत चौथो त्रैमासिक वित्तीय विवरण सार्वजनिक गरेको छ । सार्वजनिक वित्तीय विवरणअनुसार कम्पनीको खुद नाफा अघिल्लो आर्थिक वर्ष २०७९/८० को तुलनामा दोब्बर भएको छ ।
कम्पनीले गत आर्थिक वर्षमा ४९ करोड ८ लाख रुपैयाँ खुद नाफा कमाएको छ । अघिल्लो आर्थिक वर्षमा यस्तो नाफा २२ करोड ५० लाख रुपैयाँ थियो । कम्पनीको कुल आम्दानी बढ्दा नाफामा टेवा पुगेको छ । कम्पनीको कुल आम्दानी गत आर्थिक वर्षमा १ अर्ब ४१ करोड रुपैयाँ छ । अघिल्लो आर्थिक वर्षमा ८९ करोड ८० लाख रुपैयाँ थियो ।
खुद प्रिमियम आम्दानी अघिल्लो आर्थिक वर्षमा ५७ करोड ७ लाख रुपैयाँ रहेकोमा गत आर्थिक वर्षमा ६५ करोड २२ लाख रुपैयाँ छ । नाफासँगै प्रतिसेयर आम्दानी बढेको छ । अघिल्लो आर्थिक वर्षमा यस्तो आम्दानी १५ रुपैयाँ ६१ पैसा रहेकोमा गत आर्थिक वर्षमा ३४ रुपैयाँ ०५ पैसा रहेको छ । यस कम्पनीको प्रतिसेयर नेटवर्थ २ सय २२ रुपैयाँ १९ पैसा छ ।
१ अर्ब ४४ करोड रुपैयाँ चुक्ता पूँजी रहेको यस कम्पनीको विशेष कोषमा १ अर्ब २९ करोड रुपैयाँ छ । महाविपत्ति कोषमा १० करोड ८ लाख रुपैयाँ छ । कम्पनीको सञ्चित नाफा २५ करोड ६५ लाख रुपैयाँ रहेको छ ।