२७ साउन/अर्थ र व्यापार – आइएमई लाइफ इन्स्योरेन्सको बोनस सेयर नेप्सेमा सूचीकृत भएको छ। आइतबार कम्पनीको १ करोड कित्ता बोनस सेयर नेप्सेमा सूचीकृत भएको हो।
आइएमई लाइफले आर्थिक वर्ष २०७९/८० को मुनाफाबाट सेयर धनीलाई २५ प्रतिशत बोनस सेयर वितरण गरेको थियो । बोनस सेयर वितरणपछि कम्पनीको चुक्ता पुँजी ५ अर्ब रुपैयाँ पुगेको छ।
नेपाल बीमा प्राधिकरणले २०७८ चैतमा इन्स्योरेन्स कम्पनीको अढाइ गुणाले पुँजी वृद्धि गर्ने निर्णय गरेको थियो । प्राधिकरणले हाल लाइफ इन्स्योरेन्सको चुक्ता पुँजी ५ अर्ब रुपैयाँ तोकेको छ।
कम्पनीले गत वर्ष चैतसम्म ३३ करोड १५ लाख रुपैयाँ खुद नाफा कमाएको थियो । प्रति सेयर आम्दानी ११.५० रुपैयाँ र प्रति सेयर नेटवर्थ १७७.२५ रुपैयाँ रहेको छ ।