२७ बैशाख/अर्थ र व्यापार – हाथवे इन्भेष्टमेन्ट नेपाल लिमिटेडले चालु आर्थिक वर्षको तेस्रो त्रैमाससम्म ७ करोड ५० लाख रुपैयाँ नाफा आर्जन गरेको छ । अघिल्लो आवको सोहि अवधिसम्म भने कम्पनी १ करोड २२ लाख रुपैयाँ घाटामा रहेको थियो ।
यस कम्पनीले समीक्षा अवधिसम्म २३ करोड ४३ लाख रुपैयाँ खुद आम्दानी गरेको छ । जुन अघिल्लो आवको सोहि अवधिको तुलनामा ८९ दशमलब २० प्रतिशतले बढी हो । जसका कारण यस कम्पनीको कुल खर्च घटेको छ ।
अघिल्लो आवको तेस्रो त्रैमाससम्म ११ करोड ९२ लाख रुपैयाँ रहेको कम्पनीको कुल खर्च घटेर १० करोड ४४ लाख रुपैयाँमा आइपुगेको छ । यस कम्पनीले यो अवधिसम्म ८ करोड रुपैयाँ लगानी गरेको जनाएको छ ।
कम्पनीको रिटेन्ड अर्निङ २६ करोड ७१ लाख रुपैयाँबाट बढेर ३६ करोड ३२ लाख रुपैयाँ पुगेको छ । कम्पनीको फेयर भ्यालु रिजर्भमा ३४ करोड ७७ लाख रुपैयाँ सञ्चित छ । कम्पनीको चुक्तापूँजी १ अर्ब २८ करोड रुपैयाँ रहेको छ ।
समीक्षा अवधिसम्म यस कम्पनीको प्रतिसेयर आम्दानी (ईपीएस) ३ दशमलब ८९ रुपैयाँ, प्रतिसेयर नेटवर्थ ७७.६२,प्रतिसेयर कुल सम्पत्तिको मूल्य ९३.७८ रुपैयाँ र मूल्य आम्दानी अनुपात २ सय २२.०३ गुणा कायम भएको छ ।