१९ वैशाख/अर्थ र व्यापार – नेपाल इन्स्योरेन्स कम्पनीले विद्यमान सेयरधनीहरुका लागि ४० प्रतिशत हकप्रद सेयर निष्कासन गर्ने भएको छ । कम्पनीले हकप्रद सेयर निष्कासन प्रस्ताव पारित गर्नका लागि आगामी ४ जेठमा साधारणसभा आह्वान गरेको छ ।
२६ वैशाखसम्म सेयर खरिद वा होल्ड गरेका लगानीकर्ताले हकप्रद सेयरमा आवेदन दिन सक्नेछन् । आफूसँग भएको सेयर संख्याको ४० प्रतिशत (१० बराबर ४ कित्ता) का दरले अंकित मूल्यमा सेयर पाउने छन् ।
आगामी २७ वैशाखका लागि कम्पनीले सेयरधनी दर्ता पुस्तिका बन्दको मिति तय गरेको छ । हकप्रद सेयर निष्कासनपछि कम्पनीको चुक्ता पूँजी २ अर्ब ३० करोड १९ लाख ३८ हजार ७ सय १६ रुपैयाँ कायम हुनेछ ।
हाल कम्पनीको चुक्ता पूँजी १ अर्ब ६४ करोड ४२ लाख ४१ हजार ९ सय ४० रुपैयाँ छ । मंगलबार बजार बन्द हुँदा यस कम्पनीको साधारण सेयर मूल्य प्रतिकित्ता ८सय ४६ रुपैयाँ छ ।
तपाईको प्रतिक्रिया